Vefleiðangur fyrir 6. bekk - Heimilisfræði, tónmennt og upplýsingamennt

Þórhalla Arnljótsdóttir
Tölvupóstur

Kynning

Árið er 2020 og þið ákváðuð að taka haustönnina í 6. bekk á Hawaii. Þó ekki sé jólalegt um að litast, er aðventan á næsta leyti. Í hópnum eru þó nokkrir frá Danmörku, Finnlandi, Póllandi og Þýskalandi sem strax eru farnir að sakna jólaundirbúningsins heima.

Í heitri golunni undir pálmatré ákveðið þið að halda jólaboð fyrir allan hópinn. Samlandar leggja til veislunnar rétt, köku, skraut, syngja jólalag og segja frá einum jólasið að heiman. Allt virðist svo einfalt hér á ströndinni, og því er ákveðið að setja upp vef sem fjallar um jólin í löndunum fjórum þar sem verða meðal annars spjallrásir fyrir fólk með heimþrá um jólin. Þetta síðasta verður þó að bíða eitthvað áfram.

Heimilisfræði-, tónmennta- og upplýsingamenntarkennararnir á Hawaii grípa hugmyndina og nú er komið að fyrsta skrefi.

Efst á síðu

Verkefnið

Næstu vikur notið þið alla tíma í fögunum þremur til að koma hugmyndinni í framkvæmd og markmiðið með verkefninu er í stórum dráttum þetta :

• Að kynnast jólasiðum í Danmörku, Finnlandi, Póllandi og Þýskalandi.
• Að kynnast framandi hráefni og matreiðslu.
• Að fá nasasjón af jólatónlist frá öðrum löndum.
• Að þjálfast í samvinnu.
• Að læra að kynna efni á netinu m.a. með því að nota stafræna myndavél.
• Og síðast en ekki síst:
  Að halda jólaboð með gómsætum mat og góðri skemmtun !

Efst á síðu

Ferli

Undirbúningur fyrir jólaboðið tekur tvær vikur fyrir jól og frágangur á vefnum tvær vikur eftir áramót. á meðan þið vinnið verkefni er upplagt að skapa rétta andrúmsloftið með því að smella á trén hér fyrir neðan :

Fyrsta vika :

1. Ykkur verður skipt í fimm manna hópa sem hver er frá sínu landi.
   

   Áður en starfið hefst er gott að rifja upp nokkur atriði sem skipta máli í samvinnu:

   
   
   
2. Þið skiptið með ykkur verkum innan hópsins (eitt á mann),
   Smellið á einhverja af myndunum til að finna álitlegar bjargir :
   
   

   Jólasiður
   Jólaréttur
   Jólakaka
   Jólalag
   Jólaskraut

   
   
   
   
3. Hvert ykkar leitar að sínu efni í upplýsingunum hér fyrir neðan og annars staðar sem ykkur dettur í hug.
   
   
4. Hópurinn hittist og velur eitt atriði frá hverjum.
   
   
5. Allir hóparnir hittast og kynna sínar hugmyndir.
   Ef tveir eða fleiri hafa valið sama efni, þarf að finna lausn á því í sameiningu, til dæmis með hjálp nemendanna frá þeim löndum sem málið snýst um.
   
   

6. Allir æfa jólalögin fjögur í tónmenntatímum fram að boði.
   
   
   Önnur vika :

7. Allir fá kynningu á stafrænni myndavél í upplýsingamennt.
   
   

8. Þrír úr hópnum útbúa dæmigert jólaskraut og undirbúa kynningu á jólasið og jólamat. Hinir tveir matreiða. Ef ekki næst samkomulag um verkskiptingu, er gott að renna yfir þetta saman: .
   
   

9. Jólaboðið hringt inn ! Allt er borið á borð í einu og löndin síðan kynnt í stafrófsröð. Hóparnir skipta stafrænu myndavélinni á milli sín og myndir eru teknar í gríð og erg fyrir vefinn.
   
   
   
   Þriðja og fjórða vika :
   

10. Hver hópur vinnur vefsíðu(r) með kynningu á sínu landi
    í Upplýsingamennt eftir áramót. Munum að hlusta á alla í hópnum og leggja okkar af mörkum. Sjá krækju í vefsíðugerð og upplýsingamenntakennari
    
    
11. Framhald ?
    Hvernig væri að kynna verkefnið fyrir öllum skólanum og stinga upp á framhaldi með öðrum löndum ?
    Það gæti verið forvitnilegt að fá skoðun krakka á ykkar aldri í í löndunum fjórum á síðunum ykkar.
    Upphafið að öllu þessu var heimþrá, hvernig lýsir hún sér, hvenær verður hennar helst vart og hvernig getum við brugðist við henni ?

Efst á síðu

Mat

Hægt er að skipta matinu í fjóra hluta :

1. Hvernig vannst þú í hópnum (einstakl.einkunn (1-10))
2. Hvernig gekk samvinnan í hópnum (hópeinkunn (1-10))
3. Framlag í jólaboði (hópeinkunn: Lokið/ólokið)
4. Vefsíður (hópeinkunn: lokið/ólokið)

Einkunn úr þessu verkefni er 25% af voreinkunn í fögunum þremur.

Smelltu hér til að sjá eftir hverju er farið við mat á hópvinnu:

Niðurstaða

Nú er jólaboðið löngu liðið. En þar sem þið voruð dugleg við að taka myndir og koma þeim á netið, getið þið endurvakið stemminguna með heimsókn á síðurnar ykkar. Sumt er flókið að festa á mynd, en með ykkur sjálfum, finnið þið eflaust að reynslan af samvinnu við aðra, það að hjálpast að við að leysa verkefni og vandamál mun hjálpa ykkur í næstu verkefnum. Gleymum aldrei að oftast hafa allir eitthvað til síns máls og sá sem þarf á okkar hjálpa að halda fyrir hádegi getur sennilega stutt okkur í einhverju seinnipartinn.

Efst á síðu

Upplýsingar og heimildir

Byggt á efni af vefsíðu Torfa Hjartarsonar, sem endar svona :

Torfi Hjartarson byggði á sniði frá The WebQuest Page og ýmsum gögnum
á þeim vef í júlí 2000. Erlenda fyrirmyndin var þá frá 15. ágúst 1999.
Einnig var litið til þýðingar Salvarar Gissurardóttur á eldra sniði frá 1999.