Myndvinnsla með FrontPage

Vefur án mynda þykir frekar flatur og lítið freistandi. Þess ber þó að gæta að hafa ekki of margar myndir á síðum og sérstaklega verður að gæta þess að þær séu ekki of stórar. Ef myndirnar eru mjög stórar verður síðan þung í flutningi og notendur nenna ekki að bíða eftir henni á skjánum.
Best er að staðsetja myndir innan í töflu. Annars geta þær átt það til að fara á flakk á vefsíðunni. Þær myndir sem henta best á vefsíður hafa endinguna JPG eða GIF.

Til þess að sækja myndir sem þú hefur þegar vistað í möppu í tölvunni þinni velur þú flýtihnappinn neðst til hægri, en til þess að fara út á internetið velur þú hnappinn vinstra megin við hann.
Þegar þú vistar vefsíðu með myndum færðu upp þennan glugga. Gættu þess að vista myndirnar í images möppunni. Ef þú sérð hana ekki, velur þú Change Folder hnappinn og þá getur þú valið rétta möppu. Mundu að hafa nöfnin stutt, hámark 8 stafir og ekki nota séríslenska stafi.

4. verkefni.
Sæktu vefinn sem þú vannst með í síðasta tíma. Bættu inn 2-3 myndum sem þú sækir út á vefinn, settu nýjan bakgrunn sem þú hefur sótt út á vefinn. Settu inn hreyfimynd (Animated-picture) Leitaðu t.d. á www.google.com

Leit á Internetinu
Tölvan verður að vera tengd við Internetið. Hægt er að fara á leit.is og slá inn leitarorð. Þegar þú hefur fundið áhugaverðar myndir og bakgrunna hægri-smellur þú á viðkomandi mynd og velur Save Picture as. Ath. vel í hvaða möppu þú vistar myndirnar. Hér eru nokkrar slóðir sem þú getur slegið inn þegar þú leitar að myndum en úrvalið er ótrúlegt. Athugið að frá þeirri fyrstu er margar tengingar út á aðrar myndasíður.
Myndvinnsla í Front Page
Til þess að vinna með myndirnar í Front Page getur þú kynnt þér hnappana á Picture stikunni. Myndvinnslumöguleikar eru ekki miklir í Front Page. Þó er vert að benda á nokkra þeirra:
Flýtiskipun fyrir Insert Picture from file Ef þú vilt skrifa texta ofan á myndina Hjálpar til við að staðsetja myndina inn á textasvæði. Crop – til þess að nota hluta út mynd
Þessa hnappa notar þú ef þú vilt snúa/spegla myndunum. Setur mynd í upprunarlega stærð Gerir þann lit myndarinnar sem bent er á gegnsæan. Sá til vinstri setur ramma utan um myndir en hinn skerpir mynd sem hefur verið breytt stærð á.
Farðu á síðuna http://www.irfanview.com veldu Download – PlugIns. Þar færð þú ókeypis myndvinnsluforrit sem gott er að nota við heimasíðugerð.

5. verkefni.
Farðu út á vefinn og leitaðu að myndum sem gætu nýst þér við gerð heimasíðu. Vistaðu þær. Leitaðu líka að góðum bakgrunni. Ef þú hefur tækifæri til getur þú líkað skannað inn myndir úr bókum og vistað. Skoðaðu þær myndir í IrfanView og stilltu stærð þeirra.

Thumbnails.
Ef þú ákveður að hafa margar myndir á sömu síðu er eitt ráðið að setja þær inn sem Thumbnails. Þá birtast þær á stærð við frímerki en lesandi getur smellt á þær og þá stækka þær upp í fulla stærð. Þetta gerum við með því að setja inn á vefsíðuna þær myndir sem eiga að fylgja henni. Veljum myndina, smellum á hnapp 3 á Picture stikunni og þá breytast myndirnar.

Skoðaðu nú síðuna í Preview.

Ef þú vilt að texti birtist þegar bendlinum er beint að myndinni setur þú textann inn með því að skrifa hann í Picture Properties


Theme – stílsíður

Theme er fyrirfram skilgreindir stílar. Hægt er að nota þá á einstakar síður en oftast eru þeir notaðir á allan vefinn. Veldu Format – Theme. Þá opnast þessi gluggi.

Skoðaðu möguleikana í glugganum vinstra megin.

Þegar þú ert búin(n) að finna stíl sem þér líkar getur þú breytt lit og ýmsu fleiru með hnappnum Modify.

Efst til vinstri getur þú merkt við hvort þú vilt að þetta útlit sé á öllum síðum vefsins eða eingöngu þessari einu.
© Þórunn Traustadóttir.
Síðan var uppfærð 20-apr-03