Borgin mín, Reykjavík
margmiðlunarverkefni fyrir börn og unglinga.

Markmið:

• Að vekja áhuga nemenda á nánasta umhverfi sínu
• Að efla þekkingu þeirra
• Að opna augu þeirra fyrir nánasta umhverfi sínu

Í aðalnámskrá grunnskóla segir m.a. í áfangamarkmiðum í landafræði: Nemendur skulu:.....

• þekkja til helstu náttúruauðlinda, atvinnuvega, búsetumynsturs og lifnaðarhátta fyrr og nú
• átta sig á ástæðum þéttbýlismyndunar .......

Þar segir einnig í þrepamarkmiðum í sögu, 8. bekkjar

• ........ Jón Sigurðsson gegndi lykilhlutverki í henni (19. öldinni) og nafn hans er löngu táknrænt og alþekkt. ..... Loks gefst tækifæri til að velja sér ýmsa menningarþætti til nánari skoðunar undir fyrirsögninni sál og líkami. Þar er fjallað um verkmenningu, heilbrigði, menntamál, listir og skemmtun. (Þetta ætla ég að reyna að nálgast með stuttum sögum um líf og starf fólks á framanverðri síðust öld)

Þetta eru allt góð og gild markmið og gott að styðjast við þau að hluta, en með þessu verkefni vil ég fá nemendur til þess að skoða sitt eigið umhverfi, tengja saman nútíð og þátíð og vekja athygli þeirra á því umhverfi sem þeir lifa í í dag ásamt því að velta aðeins fyrir sér sögunni sem á bakvið okkur er.

Reynsla mín er sú að stór hluti barna og unglinga þekkir umhverfi sitt frekar lítið. Ég hef mjög oft farið með hóp nemenda í miðbæjarrölt í tengslum við námsefni 7. bekkjar (uppbygging og þróun Reykjavíkur) og því miður er það mér oftast undrunarefni hversu lítið þau þekkja sig í borginni, þau virðast ekki þekkja sögustaði, byggingar eða annað það sem var áður hluti af veruleika okkar sem ólumst upp hér upp.

Verkefninu hyggst ég skipta á þennan veg:

1. Borgin mín Reykjavík
2. Saga borgarinnar Þróun
3. Stytturnar í borginni
4. Útivistarsvæði borgarinnar

Nánar