Kynning

Í bók Böðvars frá Hnífsdal, Strákarnir sem struku sem kom út 1957 er eftirfarandi frásögn á bls. 55:

Þeir settust. Hrólfur (góði maðurinn í sögunni. ÞT) fór sér að engu óðslega. Hvann kveikti í pípu sinni og horfði á reykjarmekkina þyrlast út í loftið. Svo leit hann á þá félaga. ,,Þegar þið eruð orðnir fullorðnir, " sagði hann ,,viljið þið þá ekki gjarnan vera hraustir menn og harðfengir, sterkir og liðugir, syndir sem selir og þolgóðir við hvaða íþrótt sem er?" ,,Jú, auðvitað viljum við það," svöruðu þeir. ,,Þá skuluð þið ekki reykja tóbak að ráði, fyrr en þið eruð átján ára".

Ímyndið ykkur hvað mundi gerast ef þessi texti væri í barnabók sem væri gefin út árið 2003.

Nú ætlum við að kynna okkur tóbak, velta fyrir okkur uppruna þess og sögu, menningarlegum áhrifum, viðhorfsbreytingum og áratugarannsóknum á áhrifum tóbaks.

Verkefni

Hópur 1

John Lennon söng árið 1968 I´m so tired, I'm feeling so upset. Although I'm so tired, I'll have another cigarette And curse Sir Walter Raleigh He was such a stupid get. Hver var þessi Sir Walter Raleigh og hvers vegna var John að bölva honum.

Efnahagsleg áhrif tóbaksræktunar, hvar er tóbak ræktað.

Tóbaksvarnir

Hópur 2

Árið er 1935. Þið eruð hópur ungs fólks á Íslandi. Hvað vitið þið um tóbak? Hvað er það sem stjórnar viðhorfum ykkar til þess?

Helstu afurðir tóbaksræktunar. Markaðssetning fyrr og nú.

Tóbaksvarnir

Hópur 3

Árið er 1964. Skýrsla um skaðleg áhrif tóbaksreykinga var að koma út. Hvaða niðurstöður skýrslunnar ollu hvað mestu fjaðrafoki?

Tölfræðilegar upplýsingar um tóbaksnotkun

Tóbaksvarnir

efst á síðu

Ferli

Svona farið þið að: Bekkurinn á skipta sér í þriggja eða fjögurra manna hópa. Hver hópur fær þrjú verkefni. Hóparnir skipta með sér verkefnum þ.e. upplýsingaöflun. Þeir vinna síðan að sameiginlegri kynningu og ákveða verksvið hvers og eins. Hópurinn á að stofna bloggsíðu þar sem allir í hópnum hafa leyfi til þess að skrifa. Á þessa síðu skráið þið allar upplýsingar og heimildir sem þið komist yfir. Á bloggsíðunni eigið þið að búa til þrjá flokka (kafla) þar sem þið skráið í þann fyrsta allt sem þið vitið um tóbak í upphafi verkefnisins. Í annan kaflann skráið þið það sem þið teljið ykkur þurfa að afla ykkur upplýsinga um og í þriðja kaflann skráið þið að lokum niðurstöður ykkar. Ath. að kennarar munu skoða bloggsíðuna við lokamat á verkefninu.

Þið leitið upplýsinga: á netinu í bókum og bæklingum með viðtölum (munið eftir að undirbúa ykkur vel fyrir slík viðtöl, vera búin að útbúa spurningalista og hafa með ykkur myndavél).

Afrakstur vinnu ykkar eigið þið að kynna fyrir samnemendum og kennurum. Þið getið valið um tjáningarform. T.d. getið þið: gert heimasíðu haft kynningu í power point sýnt leikþátt gefið út blað

- en í öllum tilfellum eigið þið að draga saman niðurstöður ykkar og taka afstöðu gagnvart tóbaki.

efst á síðu

Mat

Þetta er hópverkefni en nemendur eiga þó að meta eigin vinnu sem einstaklingar (10%) og sem hópur(10%). Samantektin verður metin eftir því hversu skýrt og vel framsett efnið er, tekið verður mið af frágangi, skipulagi, skýrleika, mynd- og heimildanotkun, efnistökum, frumleika og framsetningu. Einkunnargjöf skiptist þannig: Kennari í lífsleikni 40% Kennari í tölvum 40% Sjálfsmat nemanda 20%

efst á síðu

Niðurstaða

efst á síðu

Uppfært 11-mar-03