Salvör Gissurardóttir 23/2/98
Bolludagur
fastelavn hjá dönskum grunnskóla og svo er hér danskur söngur um bolludaginn. Norskar bolluuppskriftir og fleiri norskrar uppskriftir. Svo er hér grein á dönsku um föstuna.
Bolluuppskriftir Úr Nýja matreiðslubókin eftir Halldóru Eggertsdóttur og Sólveigu Benediktsdóttur - Uppskriftir úr Morgunblaðinu.
200 g hveiti
125 g smjörlíki
5 tsk. þurrger eða 50 g pressuger
1 msk. sykur
1 egg
1 dl vatn
Smjörlíkið er mulið í hveitið og sykurinn og síðan er gerinu blandað saman við ef um þurrger erað ræða. Þeytið egg og vatn saman og vætið deigið með því.Setjið með skeið á plötu og látið lyfta sér við stofuhita í hálftíma. Bakið við 200 í 10&endash;15 mínúturallt eftir því hvernig ofn er um að ræða. Þessi uppskrift dugar í 15&endash;20 bollur. Borið fram með sultu og rjóma.
125 g smjörlíki
2 dl vatn
125 g hveiti
3 til 4 egg
Smjörlíki og vatn er soðið saman og hveiti er síðan hrært út í þangað til deigið er samfellt ogþykkt. Takið pott af plötu og kælið deigið svolítið. Deigið er sett í hrærivélarskál og eitt og eittegg síðan hrært saman við. Deigið á ekki að vera of þunnt og er síðan sett á plötu með skeið og hafa þarf gott bil á milli. Deigið dugar í 20&endash;24 kökur. Bollurnar eru bakaðar í miðjum ofni við 180 í um það bil 20 mínútur. Munið að opna ekki ofninn meðan á bakstri stendur. Þær þurfa að vera vel bakaðar áður en þær eru teknar út úr ofninum því annars er hætta á að þær falli saman. Bollurnar mega heldur ekki vera of bakaðar því þá verða þær of þurrar. Berið bollurnar fram með sultu og rjóma og bræðið súkkulaði og setjið ofan á bollurnar.
40 g smjörlíki
30 g sykur
1 egg
1 dl mjólk
2 tsk. þurrger
250 g hveiti
Palmínfeiti
Hrærið smjörlíki og sykur saman í hrærivél og setur eggið saman við. Setjið helming af hveitinu og gerið út í deigið og mjólkin. Deigið er tekið úr hrærivélinni og afgangurinn af hveitinu hnoðaður saman við. Deiginu er skipt í tvær kökur og önnur er flött út og með glasi eru mótaðar kringlóttar kökur.Hálf teskeið af sultu er sett á hverja köku. Hinn helmingur deigsins er flattur út og lagður ofan á. Kökur mótaðar undan glasi ofan á hinar og þá á sultan að vera á milli. Límið brúnir vel saman með gaffli. Látið bollurnar lyfta sér í 10-15 mínútur. Steikið eins og kleinur í heitri fitu og oftast er kökunum velt upp úr sykri á eftir. Sumir strá á þær flórsykri eða setja á þær glassúr.
