Framhaldsskóli fyrir þig

Jæja góðir hálsar! Þá er komið að því! Þið eruð á leið í framhaldsskóla. En er sama í hvaða skóla þið farið? Bjóða allir skólar upp á sama námsefnið? Hvað ætlið þið að verða? Og hvar er það kennt? Við ætlum núna að skoða hina ólíku skóla og hvað þeir bjóða upp á fyrir ykkur.

Þú ert aðstoðarskólastjóri í framhaldsskóla. Eitt af verkefnum þínum þetta árið er að fara í grunnskólana og kynna skólann þinn fyrir 10. bekkingum. En til þess að þú getir það verður þú að hafa góða þekkingu á skólanum. Þess vegna ferð þú á netið og skoðar heimasíðu skólans þíns, sem þar er að finna. Þú getur haft þessar spurningar í huga: Hvaða námsbrautir býður skólinn upp á? Hvað leggur hann mesta áherslu á (bóknáms/verknámsbrautir)? Er auðvelt að skipta um braut innan skólans og nýtast þeir áfangar sem þið hafið þegar lokið á nýju brautinni? Fleiri spurningar koma eflaust upp í hugann eftir því sem þið skoðið vefsíðurnar og þið notið þær að sjálfsögðu líka. Enn fremur hefur ykkur verið falið að kynna í stuttu máli nemendafélagið og félagslífið í skólanum. Þegar þið hafið svarað spurningunum útbúið þið kynningu fyrir bekkjarfélaga ykkar.

Hér eru slóðir allra framhaldsskóla landsins!

Frammistaða ykkar verður metin eftir kynningunni. Hvernig er hún fram sett, er hún hnitmiðuð, vekur hún áhuga, kemur allt fram í henni sem nauðsynlegt er að vita um skólann? Hópvinna verður metin sem ein heild, þ.e. hver hópur fær eina einkunn.

Með þessu verkefni æfast nemendur í að nota upplýsingar af vefnum, leita að þeim, skipuleggja kynningar og fá að lokum smá hjálp við það erfiða verkefni að velja sér framhaldsnám.

Seinast uppfært 26. nóvember 1998.