ÖNNU BJARGAR

Anna Björg Thorsteinson er fædd árið 1954 og lýkur B.ed námi frá leikskólaskor Kennaraháskóla Íslands vorið 1999.

Aðaláhugamál mín eru að koma börnum mínum og annara til vits og manns einnig stuðla að því að gera þetta fólk að ábyggilegum og traustum þegnum þjóðfélagsins sem verðuga einstaklinga. Þá er ég haldin söfnunaráráttu en það snýst um gamlar brúður. Ég á sæmilegt safn af þeim. Sú elsta er frá því fyrir síðustu aldamót en svo spannar safnið allt til ársins 1960.

Hér að neðan koma ýmsar hagnýtar upplýsingar um leikskóla. Leikskólinn er jafn nauðsynlegur til fræðslu, uppeldis og tilveruréttar barna og flestir aðrir skólar sem starfræktir eru í landinu. Stefnur, kenningar og uppeldismarkmið hinna ýmsu leikskóla geta verið misjöfn, þó ættu foreldrar að sumu leiti að geta ráðið því sjálfir við hvers konar skilyrði börn sín alast upp við innan þessara stofnana. Algengasta uppeldiskenning leikskóla sem starfræktir eru á höfuðborgarsvæðinu er án efa vitþroskakenning Piaget. Leikskólinn starfar eftir námskránni Uppeldisáætlun fyrir leikskóla markmið og leiðir sem Arna Jónsdóttir og fl. unnu eftir beiðni menntamálaráðuneytisins. Í þessari námsskrá fyrir leikskólann koma fram markmið uppeldisstarfs á leikskólum, leiðir að markmiðunum, helstu uppeldissviðum, skipulags,- og stjórnunarþættir ásamt ýmsum skilyrðum o. fl ( Arna

Jónsdóttir o.fl.1993).

Foreldrar sækja um leikskólavist fyrir barn sitt á skrifstofu dagvistar barna t.d. í Reykjavík á þar til gerðum eyðiblöðum. Þó er oftast um einhverja bið að ræða frá því að sótt er um þangað til barnið kemst að. Innan veggja leikskólans fer fram starf sem eflir alhliða þroskaleið barnsins, barnið þarf að finna öryggi sitt.

Einnig uppfyllir leikskóladvöl flestar þarfir barns bæði í leik og starfi. Þar sem reynt verður með besta móti að uppfylla flesta þætti sem felst í leikskólastarfi þá hefur vaknað upp spurningin: Eiga tölvur eitthvað erindi inn á leikskóla? Það eru ýmsar vangaveltur um hvort að tölvunotkun geti ýtt undir mismunandi þroskaþætti barna. Kynslóðin sem nú í dag situr á skólabekkjum menntastofnanna hefur nú þegar lagt af stað og undirbýr sig undir framtíð í tölvuvæddu samfélagi. Því er umfjöllun um gildi tölva í leikskóla verðugt athugunarefni. Nú þegar eru tölvur komnar á flesta leikskóla á höfuðborgarsvæðinu og víðar. Þær eru ætlaðar kennurum og stjórnendum enn sem komið er. En hvenær á að setja tölvur inn í leikstofur barnanna?

Til þess þarf að skapa aðstæður og velja hugbúnað sem er við þeirra hæfi. Hugbúnaðurinn þarf að vísu að ýta undir þau markmið sem hafður er til hliðsjónar í leikskólastarfinu sem er að læra gegnum leik. Það býður upp á marga möguleika að nota tölvu á leikskólum.

Möguleikar eins og myndlistarhugbúnaður í tölvum býður uppá margbreytilegar aðstæður sem athyglisvert er að skoða. Leikskólakennarar og foreldrar sem ákveða að leyfa barni að byrja snemma að takast á við framþróunina í tækni og vísindum sem varla verður hjá komist í uppvextinum ættu að kynna sér vel allan þann hugbúnað sem í boði er. Mikilvægt er að leggja mat á hugbúnað sem ætlaður er leikskólabörnum en hugbúnaður fyrir leikskólabörn er að byrja að ryðja sér rúms á söluborði markaðsins og þykja æði misjöfn. Það er vonandi að tölva komi sem allra fyrst inn á deildar leikskólanna, því að tölvan þarf sinn aðlögunartíma á leikskólanum líkt og barnið þarf í upphafi skólagöngu sinnar.