Teikniforrit gefur barninu tækifæri til þess að vinna með sínar hugmyndir, því er ekki gefin lausn á einhverri afurð. Kosturinn við teikniforrit er sá að auðveldlega má geyma myndirnar, breyta þeim og bæta. Það er endalaust hægt að gera nýja hluti og prófa sig áfram. Þegar og ef mistök verða er auðvelt að laga þau, geyma eða bara halda áfram út frá þeim. Fyrst halda börnin að þau geti notað forritið líkt og um venjulega málingu eða teikniáhöld væri að ræða en svo læra þau að nýta sér kosti tölvunnar. (Freedman, K.,1991).

Það er munur á kynjunum í tengslum við tölvunotkun. Stelpur hafa meiri áhuga á því að "dúlla" sér, spá í litasamsetningar og form en strákar vilja frekar spila eða hanna leiki. Komið hefur í ljós að strákar og stelpur vinna meira saman þegar kemur að því að vinna með teikniforrit. Félagslegt ferli kemur því frekar fram þegar unnið er með teikniforrit en hefðbundið efni til listsköpunar. En það verður líka að gefa börnunum tækifæri á að vinna sjálfstætt og þróa sínar eigin hugmyndir án afskipta annarra. (Freedman, K.,1991).
 
 

Í Danmörku hefur verið þróað verkefni með hópi leikskólabarna. Í því fellst að myndsköpun og sögugerð er fléttuð saman. Börnin búa til sögur og teikna svo myndir við söguna. Síðan lesa þau söguna inn á myndina, þannig að þeirra myndir og hljóð fara saman. (Nielsen, L. og Nielsen, K.F., 1992).

 
 

Á þessu námskeiði um tölvur í leikskólanum höfum við fengið að prófa að vinna með teikniforritið Kid pix. Það er hægt að vinna með það á margan hátt. Til dæmis býður það upp á þá möguleika að búa til raðmyndasýningu, hreyfimyndagerð, hægt er að skapa umhverfi fyrir brúður, auk þess auðvitað að gera sínar eigin myndir. Fyrst er dæmi um hvað hægt er að gera í tengslum við að kenna börnum hugtakið  andstæður. Annað dæmið er um að leyfa barninu að teikna frjálst þeirra upplifun á ljóði.

Hér koma svo fleiri myndir og hugmyndir um notkun Kid pix.
 
 

Heimildir:
 

Freedman, Kerry (1991, maí).
Possibilities of Interactive Computer Graphics for Art
Instruction: A Summary of Research. Art Education.
Nielsen, L. og Nielsen, K.F. (1992). Pepino. Skolestart.