Hér koma nokkrar hugmyndir um það hvernig hægt er að fá börn til að vinna með teikniforritið Kid Pix
 
 

Börn hafa gaman af því að syngja og heyra vísur, það gæti því verið skemmtilegt að fá þau til að teikna sína upplifun af ákveðnu ljóði eða ákveðinni vísu. Í upphafi væri hægt að syngja vísuna með þeim eða flytja ljóðið fyrir þau og fá þau svo til þess að tjá upplifunina í Kid Pix. Ég valdi að teikna vísuna Dansi dansi dúkkan mín úr Vísnabókinni.

Andstæður eru skemmtilegt viðfangsefni sem býður upp á marga möguleika. Það gæti verið skemmtilegt að fá börn til þess að finna út hvað eru andstæður. Það væri hægt að fá börnin til þess að teikna tvær myndir sem, væru andstæðar eða teikna eina mynd og breyta henni í andhverfu sína. Ég valdi að teikna tvær myndir, andstæðurnar heitt og kalt, ég breytti einnig stökum myndum í andstæður eins og nótt og dagur og litlaust og litríkt.

Þessa teiknimyndasögu sömdum við Linda saman og teiknuðum, þetta er mjög skemmtileg hugmynd og væri gaman að gera með litlum börnum.

 
 
 
 
 
 

Hérna eru rauði karlinn og græni karlinn. Rauði karlinná heima á efri hæðinni í þessu umferðarljósi og græni karlinn á neðri hæðinni.
 
 
 
 
 

Rauði karlinn var í vondu skapi. Börnin hlupu alltaf yfir götuna án þess að stoppa og bílarnir voru næstum búin að keyra á þau.
 
 
 
 
 

Rauði karlinn ákvað því að fara og tala við börnin. Hann vonaði að þannig gæti hann kennt börnunum umferðarreglurnar
 
 
 
 
 
 
 

Rauði karlinn fór til barna sem ætluðu að hlaupa yfir götuna. Hann sagði þeim að göturnar væru hættulegar og bílarnir gætu keyrt á þau. Börnin ættu að stoppa þegar hann væri í ljósinu en þau mættu fara yfir þegar græni karlinn væri kominn í ljósið.
 
 
 
 
 

Börnin þökkuðu rauða karlinum fyrir og fóru að gangbrautinni. Þar biðu þau þar til græni karlinn kom. Þá gengu þau yfir götuna og vöruðu sig á bílunum eftir það.
 
 
 
 
 
 
 

Nú var rauði karlinn glaður. Hann var búinn að kenna börnunum umferðarreglurnar og þau hlupu ekki lengur yfir götuna.