Forsíða
Höfundar
Höfundavefir á Netinu

Handbækur um íslenska barna- og unglingabókahöfunda 

• Skáldatal, íslenskir barna- og unglingabókahöfundar. 1992. Elísabet Þórðardóttir, Guðríður Gísladóttir og Ingibjörg Sæmundsdóttir tóku saman. Lindin.
  Í bókinni eru æviágrip höfunda, myndir af þeim, listi yfir útgefnar barna- og unglingabækur og listi yfir umsagnir um skáldverk höfundanna.
  
• Silja Aðalsteinsdóttir. 1981. Íslenskar barnabækur 1780-1979. Mál og menning.
  Þetta er saga íslenkra barna- og unglingabókmennta frá upplýsingastefnunni og fram til 1979 þar sem verk og höfundar eru sett í bókmenntasögulegt samhengi.
  
• Icelandic Writers of Childrens Books. 1998. Árni Árnason, ed. SÍUNG.
  SÍUNG eru samtök íslenskra barna- og unglingabókahöfundar og þau hafa gefið út á ensku kynningarbækling um 26 núlifandi höfunda. Þar er að finna æviatriði, lista yfir helstu verk og fengin verðlaun. Myndir eru af höfundum og bókakápum.
  
• Niste på veien - Veganesti.  1999. Bæklingur á norksu um 34 íslenska höfunda sem fylgir með farandsýningu á íslenskum barna- og unglingabókum í Noregi 1999-2002. Ritstjóri Kristín Birgisdóttir, formáli um íslenskar barna- og unglingabókmenntir á síðasta áratug 20. aldar eftir Þuríði Jóhannsdóttur.