Forsíða
Kynning

Í júní 1999 fékkst styrkur frá Rannsóknarráði Íslands í markáætlun um upplýsingatækni, til að þróa verkefnið áfram. 

Í styrkumsókn er þeim hluta verkefnisins sem á vefnum birtist lýst svo:
                  Settur verður upp margmiðlunarvefur um barna-og unglingabókmenntir. Vefurinn er liður í því að byggja upp auðugt námsumhverfi en jafnframt er honum ætlað að þjóna hlutverki almennrar upplýsingaveitu um barna- og unglingabókmenntir fyrir kennara, nemendur og jafnvel foreldra. Vefnum er ætlað að vaxa, m.a. með framlagi nemenda og kennara við Kennaraháskólann og í samsarfi við höfunda og útgefendur. Honum er ætlað að verða samstarfsvettvangur skólanna í landinu og KHÍ á sviði barna- og unglingabókmennta og vera liður í að hvetja æsku landsins til að lesa bókmenntir.

Í desember 1999 er hafin endurskoðun vefsins og heldur sú vinna áfram allt næsta ár. Þeir sem skoða vefinn eru beðnir að hafa í huga að hann er að verða til og því margt óklárað.

Skotthúfukerlingin í haus vefsins er Málfríður, sögupersóna í bókum Sigrúnar Eldjárn birt með góðfúslegu leyfi. Fleiri þekktar persónur barnabókanna sjást líka, þar á meðal Beini úr Syngjandi beinagrind eftir Sigrúnu Eldjárn og strákur og stelpa úr Sögunni af húfunni fínu eftir Sjón sem Halldór Baldursson teiknaði og gaf okkur leyfi til að nota.

                       Þuríður Jóhannsdóttir; netfang: tjona@ismennt.is