Hvað er námsumhverfi?
Námsumhvefið felur í sér í hvaða samhengi kennslan og námið á sér stað. Með samhengi er bæði átt við það sem lýtur að húsnæði og þess háttar og að andrúmslofti.

Hvers vegna er mikilvægt að huga að námsumhverfi?
Ef þátttakendurnrir eiga að ná árangri í námi sínu verða kennararnir að mæta þeim með opnum hug. Þeir munu kynnast nemendum sem eru mjög ólíkir þeim sem þeir eru vanir að kenna í sínu daglega lífi sem kennarar. Nokkrir þátttakandenna hafa ekki langa skólagöngu að baki og hafa átt í töluverði batáttu við sjálfa sig bara við að sækja um þátttöku í náminu. Aðrar hafa slæmar minningar úr skóla og hafa upplifað marga ósigra. Oftast hefur skuldinni þá verið skellt á konurnar sjálfar. Enn aðrar hafa þá slæmu reynslu úr sinni skólagöngu að þeim finnst þær geti ekkert lært.

Hvernig hugum við að námsumhverfinu?
Það er  brýnt að við mætum þátttakendum verkefnisins með öðrum hætti en þeir gert var meðan þeir voru í skóla. Árangursríkt nám felst ekki endilega í því að láta konurnar fara að vinna við tölvurnar strax. Kennarinn á að leitast við að skapa umhverfi sem einkennist af trausti, opnum hug og vinsemd. Að gefa sér tíma og skapa ró getur haft úrslitaþýðingu í þróun námsferilsins. Konurnar eru áhugasamar þegar þær hefja námið en áhugi sumra þeirra er líklega mjög viðkvæmur. Ef þær finna fyrir spennu og þurfa að takast á við ósigra í upphafi er hætta á að þær verði fráhverfar námi lengi á eftir.

Kennarinn á að reyna að hafa tvö herbergi til afnota í kennslustundunum. Eitt fyrir pásur, hvíld og samneyti. Hitt herbergið á eingöngu að vera fyrir námið. Umræðunum í pásunum ber að beina eins og mögulegt er að öðru efni en því sem snertir námið.  Því þarf kennarinn að að hafa í huga að skipuleggja aðra þætti eins og að hafa til kaffi og með því, koma því í kring að hópurinn geri eitthvað saman o.s.frv.  

Hvað er aðgengi að upplýsinga- og tjáskiptatækni?
Brýnt er að konurnar hafi aðgang að tölvum með nettengingu fyrur utan kennslustundirnar.

Af hverju er það brýnt að hafa aðgengi að tölvum fyryr utan kennslustundirnar?
Þó svo að sumar kvennanna eigi tölvur verður að vera mögulegt fyrir þær að hittast í litlum hópum til að vinna sumar æfingarnar. Betra er að hópvinnan fari fram annars staðar en inni á heimili. Ef þær hafa aðgang að tölvum á opinberum stöðum eins og bókasöfnum eða félagsheimilum þar sem hægt er að hittast til að vinna hópvinnuna ætti að ýta undir það. Þetta getur haft jákvæð áhrif í samfélaginu að þær sjáist vinna með þessa tækni. Ef notkunin beinist í meira mæli að notkun tölva í fyrirtækjum og á einkaheimilum gefur það fólki hugmynd um að upplýsingatæknin og námskeið í notkun hennar sé eingöngu ætluð afmörkuðum hópi fólks. 

Hvernig er hægt að tryggja aðgengi milli kennslustunda?
Í samvinnu við samtök, tengiliðinn eða fólkið á staðnum ber kennaranum að tryggja aðgengi að nettengdum PC tölvum. Besta staðsetning þeirra er:

1. Í félagsheimilinu.
2. Í skóla á staðnum.
3. Í fyrirtæki á staðnum.
4. Á einkaheimili. 
 

Þó svo að það sé mjög æskilegt vegna námsframvindu hverrar og einnar að hver kona hafi sína eigin tölvu er það ekki nauðsynlegt til að námskeiðið takist. Hvatningin og stuðningurinn sem konurnar koma til með að fá í hópvinnunni er mikilvægari til koma í veg fyrir að konurnar gefist upp þegar þær mæta vandamálum eða verða fyrir vonbrigðum. 

Hvað er línulegt ferli?
Flest námskeið í upplýsinga- og samskiptatækni eru byggð upp eftir ákveðinni röð. Þetta þýðir að námskeiðið byrjar með kynningu á vélbúnaði, síðan er stýrikerfið kynnt og þaðan farið í skráastjórnum og síðast í ritvinnsluna.  Verkefnið okkar byggir á 13 lotum þar sem eingöngu þær tvær fyrstu þarf að vinna hverja á eftir annarri. Þær sem eftir standa má vinna í hvaða röð sem er.

Hvers vegna að hafna línulegu ferli?
Eitt af aðalmarkmiðum okkar er að ýta undir sjálfstæði kvennanna. Línulegt ferli undir leiðsögn kennarans gefur til kynna að hann stjórni alfarið. Með óbeinum hætti er konunum sagt að vera óvirkar. Ef þeim er gert að velja sjálfar færist hluti ábyrgðarinnar yfir á þær og hefur um leið góð áhrif á námsferli þeirra.

Hvernig höfnum við línulega ferlinu?
Kennsluefnið er á vefsíðu sem í eðli sínu leiðir til einstaklingsferlis í stað hefðbundins ferlis með upphaf og endi. Í annarri kennslustundinni verður konunum boðið að velja sér hvaða lotu þær vinna næst. Valið fer að sjálfsögðu fram í samráði við a.m.k. eina konu svo að mögulegt verði að a.m.k. tvær konur vinni saman. Þetta hefur í för með sér að í 12 kvenna hópi geta verið allt að 6 hópar sem vinna að mismunandi lotum.

Mikil ögrun fyrir kennarann er fólgin í þessu skipulagi og þessu frelsi sem er óhugsandi án þjálfunar og leiðsagnar fyrir hann. Einnig er þetta bundið við að beina sjónum að því að konurnar hjálpist að í kennslustundum.

Þar sem kennarinn er svona lítið sýnilegur í kennslunni þá kynnu sumir að spyrja af hverju við gerum ekki kennsluefnið svo úr garði að það byggi alveg á sjálfsnámi. Okkar svar er að sjálfstæði og áhersla á námsferli næst ekki fram með orðum heldur með athöfnum og viðhorfum.

Kennarinn mun vera til taks allan tímann en verður að skiptast á að vera virkur í tímunum og að sjá fyrir hvað koma skal.  Hann verður að geta séð fyrir þau vandamál sem kunna að rísa og vera tilbúinn með aukaverkefni fyrir sumar konurnar sem og að vera á verði gagnvart þeim þáttum sem stuðla að eða draga úr samvinnu.