Skólaferðalag til Svíþjóðar

Þú manst að við í 7. bekk í Barnaskóla Vestmannaeyja ætlum í skólaferðalag til Svíþjóðar í vor, að heimsækja vinabekkinn okkar í Vallentuna, er það ekki?
Er ekki kominn ferðahugur í þig?
Höfuðborgin Stokkhólmur er falleg borg rétt hjá Vallentuna. En hvað skyldi vera í boði að gera sér til skemmtunar þar þessa daga? Í þessu verkefni átt þú að kynna þér borgina og nágrenni, og hvað boðið er uppá til afþreyingar þessa daga.

Til baka

Verkefnið felst í því að skoða hvað er í boði til afþreyingar í Stokkhólmi þann tíma sem skólaferðalagið stendur yfir (22.-28.maí 1999). Hver fjögurra manna hópur á að:

Skoða þær upplýsingar sem þið komist yfir um Stokkhólm
Setja saman dagskrá um það sem gert verður þá daga sem dvalið verður þar
Gera kostnaðaráætlun um ferðina
Búa til uppkast að bæklingi um dagskrá ferðarinnar
Kynna fyrir hinum hópunum sína áætlun
Þegar búið verður að kjósa um bestu tillöguna, skipta hóparnir
með sér verkum og búa til endanlegan bækling um ferðina
sem síðan verður ljósritaður og dreift meðal þátttakenda í ferðinni.

Til baka

Þið fáið viku til að skoða þær heimildir sem bent er á og vinna verkefnið. Vinnutilhögun verður á þessa leið:

Þið byrjið á að skipta ykkur í hópa þannig að fyrstu tveir og síðustu tveir í stafrófinu vinni saman og svo koll af kolli.
Skiptið með ykkur verkum innan hópsins þannig, að hver og einn í hópnum fái afmarkað efni til að skoða nánar, og geri síðan hinum grein fyrir niðurstöðunni.
Þegar allir í hópnum hafa skoðað sitt efni (munið eftir að athuga og skrá hjá ykkur verð á því sem í boði er) þá sest hópurinn niður saman og gerir uppkast að ferðaáætlun þar sem fram komi hvað verður gert á hverjum degi, hvað það kostar að heimsækja þá staði sem valdir eru, hvar staðirnir eru sem hópurinn vill heimsækja o.s.frv.
Þegar allir hóparnir hafa þannig gert drög að ferðaáætlun, þá kynna hóparnir áætlunina hver fyrir öðrum.
Besta áætlunin verður síðan valin með handauppréttingu og ræður einfaldur meirihluti.
Þegar búið er að velja áætlunina skipta hóparnir með sér verkum við að koma ferðaáætluninni í útgáfuform.
Tveir hópar sjá um alla myndvinnslu en hinir þrír sjá um að skrifa upp áætlunina í ritvinnsluforriti. Að lokum sér 5 manna nefnd þar sem valinn er einn úr hverjum hópi, um að búa til vefsíðu um dagskrána og einnig að búa hana til ljósritunar svo hægt sé að prenta hana í handhægu broti handa hverjum og einum.

Til baka

Á skólasafninu eru til ýmsar bækur og bæklingar um Svíþjóð. Kynntu þér þá.

Ferðaskrifstofur luma einatt á ýmsum bæklingum um önnur lönd. Hafðu samband við þær.

Á tölvuneti skólans er glærukynning á Stokkhólmi sem sænski vinabekkur okkar sendi okkur í fyrra. Skoðaðu hana.

Á Internetinu er að finna ýmsan fróðleik um Stokkhólm og hvað þar er í boði.
Skoðaðu þetta:

Stokkhólmur
Á þessari síðu getur þú fengið ýmsan fróðleik um Stokkhólm, bæði um sögu hans og umhverfi.
Konungshöllin
Á þessari síðu getur þú fræðst um konungshöllina í miborg Stokkhólms
Vasa-safnið
Safn sem geymir hið fræga herskip sem Gustav Adolf Svíakonungur lét smíða snemma á 17. öld .
Íþróttir og tómstundir
Á þessari síðu finnur þú hvað er í boði í sambandi við íþróttir. Skoðaðu sérstaklega sundstaðinn "Vilda Vanadis"
Fiðrildasafnið
Á þessari siðu getur þú fengið að vita ýmislegt um Fiðrildasafnið í Haga sem er í úthverfi Stokkhólms.
Áhugaverðir staðir.
Á þessari síðu getur þú fræðst um ýmsa áhugaverða staði í Stokkhólmi
Gagnlegar upplýsingar um Svíþjóð
Á þessari síðu er að finna ýmsar gagnlegar upplýsingar fyrir ferðamenn
Velkomin til Stokkhólms
Vefur með upplýsingum um hvað er að gerast í Stokkhólmi á ýmsum sviðum
Cosmonova
Væri ekki gaman að skreppa í þríviddarbíó á Náttúrufræðisafninu í Stokkhólmi
Tom Tit's safnið
Tom Tit's safnið er vísinda-og tilraunasafn sem gaman væri að heimsækja. Þar getur maður sjálfur fengið að prófa hvernig hlutirnir virka.
Dýragarðurinn
Væri ekki gaman að skreppa líka í dýragarðinn?
Gröna Lund-Tívolí
Eru ekki allir sammála því að fara í Tívolí
Álandseyjar- Mariehavn
Gaman væri að fara í dagsferð til Álandseyja-ekki satt?
Náttúra og íþróttir í Stokkhólmi
Ýmislegt um náttúruna kringum Stokkhólm og íþróttaviðburði
Veðrið í Stokkhólmi
Hvernig væri að skoða veðrið, svo við vitum hvers konar fatnað er best að hafa með?
Gjaldeyrissíðan
Á þessari síðu getur þú séð hvað sænska krónan er í verðgildi miðað við íslenska peninga og reiknað út hvað sænskar upphæðir eru háar í íslenskum peningum.

Til baka

Frammistaða ykkar í þessu verkefni verður metin á tvenns konar hátt. Bæði verða einstaklingsvinnubrögð skoðuð og verða þá þessir þættir skoðaðir sérstaklega:

Sjálfstæði í vinnubrögðum
Frumkvæði
Vandvirkni
Áhugi

Einnig verður vinna hópsins metin sem ein heild, þess vegna er nauðsynlegt að allir í hópnum vinni vel og samstaða sé innan hópsins við vinnuna. Við matið á hópnum verða eftirfarandi þættir skoðaðir:

Hversu raunhæf áætlunin er
Frumleiki
Samvinna
Vandvirkni
Áhugi

Þeir sem verða valdir í það vandasama hlutverk að koma dagskránni á vefsíðu og í bækling, geta fengið aukapunkta fyrir hópinn sinn með góðum vinnubrögðum. (sjá matið fyrir einstaklingsvinnubrögð hér að ofan)

Til baka

Þegar þú hefur lokið þessu verkefni, eiga allir í bekknum og foreldrar ykkar að hafa fengið nokkuð gott yfirlit yfir dagskrá skólaferðalagsins ásamt kostnaði, og út frá þeim forsendum ætti að vera hægt að áætla, hversu mikla peninga við þurfum að hafa í viðbót við flugfarið.

Höfundur: Eygló Björnsdóttir. 12. febrúar 1999.
Seinast uppfært 18. febrúar 2000.

Salvör Gissurardóttir þýddi þetta snið frá The Webquest Page.