Upplýsingar um kennara
Ásrún Matthíasdóttir (asrun@ismennt.is)
Ásrún Matthíasdóttir deildarstjóri í tölvufræði í Menntaskólanum í Kópavogi. Kennir nemendum og kennurum þar að nota tölvur og sér um tölvumálin skólans. Hún hefur lokið fjarnámi um kennslufræði og skipulag fjarnáms við Open University. Hún mun fjalla um gagnvirk próf og kennslufræðilegt gildi þeirra. Ásrún mun einnig fjarkenna á námskeiðinu.
Guðjón Ólafsson (gaui@mmedia.is)
Guðjón Ólafsson er kennari við Framhaldsskóla Vestfjarða og fjarkennari við Verkmenntaskólann á Akureyri. Hann hefur kennt kennurum fyrir vestan að nota Internetið og fleira tölvutengt. Einnig kennt vefsíðugerð í HTML á fjarnámskeiðum Íslenka menntanetsins. Guðjón mun lýsa vefsíðugerð í HTML, fjalla um kennslufræði vefsíðna í staðbundnu lotunni og síðan halda umfjöllun áfram í fjarkennslu.
Jóna Pálsdóttir (jonap@ismennt.is)
Jóna Pálsdóttir er deildarstjóri upplýsingadeildar Íslenska menntanetsins. Sér um verkefni sem tengjast notkun upplýsingatækni í skólum, samskiptaverkefni, námskeið og gerð kennsluefnis sem byggist á Internetinu með áherslu á gagnvirka notkun þess til kennslu. Hún er fjarkennari í íslensku og tjáningu við Verkmenntaskólann á Akureyri. Er stjórnandi Kidlink-islenska sem er alheims tölvusamskiptaverkefni fyrir börn og fullorðna. Hefur starfað sem deildarsérfræðingur í menntamálaráðuneytinu, var áfangastjóri við Menntaskólann í Kópavogi í 8 ár og er í leyfi frá störfum sem íslenskukennari þar, hefur starfað sem blaðamaður. Jóna hefur umsjón með náminu og mun stjórna umræðum vetrarins.
Lára Stefánsdóttir (lara@ismennt.is)
Lára Stefánsdóttir er deildarstjóri tölvudeildar við Menntaskólann á Akureyri. Hefur árum saman starfað í Kidlink, tölvusamskiptaverkefnum fyrir börn og fullorðna. Hún hefur kennt og numið á Internetinu frá 1990. Einnig kennt á námskeiðum um notkun Internetsins frá upphafi vega og sér nú um fjarnámskeið fyrir kennara á vegum Menntaskólans á Akureyri í samvinnu við fleiri þróunarskóla. Lára mun fjalla um aðferðafræði netkennslu og rannsókn á fjarkennsluaðferðum. Hvernig kennsluaðferðir í fjarnámi á neti hafa ratað inn í staðbundna kennslu og hugmyndir tengdar þróun UT í almenna kennslu
Sólveig Jakobsdóttir (soljak@ismennt.is)
Sólveig Jakobsdóttir er lektor í fjarkennslufræðum m. áherslu á kennslutækni, upplýsingatækni og margmiðlun við KHÍ síðan í ágúst 1997. Sólveig hefur einnig umsjón með framhaldsnámi í tölvu- og upplýsingatækni við KHÍ. Hún mun fjalla um rannsóknir sem tengjast fjarnámi.
Tómas Rasmus (rasmus@ismennt.is)
Tómas Rasmums er deildarstjóri tölvudeildar Menntaskólans á Laugarvatni. Einnig sér hann um tölvumál í Ljósafossskóla í Grímsnesi. Undanfarin ár hefur hann kennt á námskeiðum hjá Íslenska menntanetinu, á staðbundnum námskeiðum og í fjarkennslu, hann hefur einnig útsett og séð um kennaranámskeið fyrir skólaskrifsofu Suðurlands. Hann mun kenna fyrstu handtökin við að gera vefsíður í Word.
Þórunn Óskarsdóttir (thorunn@ismennt.is)
Þórunn Óskarsdóttir hefur starfað sem fjarkennari við Rafiðnaðarskólann Viðskipta- og tölvuskólann og Fjölbrautaskólann við Ármúla þar sem hún er tölvufræðikennari og umsjónarmaður fjarnáms við skólann. Hún starfar einnig við að leiðbeina kennurum Háskóla Íslands sem eru að nettengja kennslu og hefja fjarkennslu. Þórunn mun fjalla um notkun póstlista, vefsíðna, samræðuvefja og spjalls í fjarkennslu. Hún mun halda áfram í fjarkennslu í september, einkum með aðferðafræðina við notkun þessara tækja í kennslu

Íslenska menntanetið. Umsjón: Jóna Pálsdóttir.
Vefur: Ingvar Ágúst Ingvarsson. Uppfært 2. september 1999 af Steinari Huga Sigurðarsyni.