- Athafna- og frumkvöðlamennt
- Norrænt samstarfsverkefni 1997-2000
Árið 1997 hleypti Norræna ráðherranefndin af stokkunum norrænu samstarfsverkefni sem miðar að því að efla frumkvæðisanda og athafnasemi ungmenna á grunn- og framhaldsskólastigi. Verkefnið sem ber yfirskriftina "Entreprenörskap som utdanningsmal for ungdom", stendur yfir í fjögur ár, 1997 - 2000.
- Bakgrunnur verkefnisins er þörfin fyrir að fleira fólk taki virkan þátt í að skapa atvinnutækifæri og láti til sín taka í stóru og smáu til umbóta í nánasta umhverfi sínu. Öll Norðurlöndin hafa að undanförnu verið að endurskoða skólakerfi sín og er í öllum löndunum lögð ríkari áhersla en nokkru sinni fyrr á mikilvægi þess að búa nemendum aðstæður til að þroska með sér skapandi hæfileika, frumkvæði og athafnasemi. Þetta kemur glögglega fram í aðalnámskrám landanna, m.a. í nýjum aðalnámskrám fyrir íslenska grunn- og framhaldsskóla. Í norræna frumkvöðlaverkefninu er því lögð áhersla á samstarf um þróun kennsluaðferða og námsaðstæðna sem hæfa þessum markmiðum og þess vænst að afrakstur verkefnisins nýtist til eflingar nýsköpunar og frumkvöðlahugsunar almennt í skólakerfum allra Norðurlanda.
- 39 grunn- og framhaldsskólar taka þátt í verkefninu. Þeir mynda samtals 10 tengslanet eða samstarfshópa og spannar samstarfið aldurshópa frá 6-20 ára. Lögð er áhersla á að þátttakendur nýti nútíma upplýsingatækni í samstarfi sínu. Á þessari heimasíðu er að finna ýmsar upplýsingar sem tengjast framkvæmd verkefnisins hérlendis og frumkvöðlamennt almennt. Af síðunni er greið leið að upplýsingum um verkefnið í heild á aðalsíðu verkefnisins (slóðin), starfið í hverju landi fyrir sig á heimasíðum viðkomandi landa (sjá fána). Á heimasíðu hvers lands er svo að finna krækjur inn á heimasíður einstakra þátttökuskóla. Fulltrúi Íslands í norræna stýrihóp verkefnisins er Kristrún Ísaksdóttir .
Umsjónarmaður vefsíðu er Gísli Þorsteinsson lektor, KHÍ Netfang:abc@khi.is