Athafna- og frumkvöðlamennt Norrænt frumkvöðlaverkefni
Aðalsíðan Ráðstefna í Dannmörku Almenn markmið Norræn heimasíða Fundagerðir Einkenni frumkvöðla Lýsing á ísl. verkefnunum á dönsku Áherslur í næstu námskrá Póstlisti þátttakenda Áhugaverðar tengingar Heimasíður skóla Fréttamolar	Norræna ráðherranefndin hefur ákveðið að efna til norræns samstarfs til eflingar frumkvæðisanda og athafnasemi ungmenna á grunn- og framhaldsskólastigi. Verkefnið sem ber yfirskriftina "Entreprenörskap som utdanningsmal for ungdom", mun standa yfir í fjögur ár, 1997 - 2000. Ákvörðun um að gera frumkvöðlauppeldi að forgangsmáli var tekin að tilmælum vinnuhóps sem falið var að móta tillögur um verkefnið. Haustið 1996 hélt Norræna Ráðheranefndin sérfræðiráðstefnu um viðfangsefnið og tengdist hún væntanlegu samstarfsverkefni beint og óbeint. Afrakstur hennar, þ.e. fyrirlestrar og niðurstöður vinnuhópa mynda ásamt tillögum undirbúningshópsins, megingrundvöll að verkefninu. Bakgrunnur verkefnisins er þörfin fyrir að fleira fólk skapi atvinnutækifæri og láti til sín taka í stóru og smáu til umbóta í nánasta umhvrfi sínu, fólk með hæfileika til að sjá möguleika og tækifæri og áræði, vilja og kunnáttu til að nýta þá til að skapa fjárhagsleg verðmæti og/eða stuðla að félagslegum og menningarlegum umbótum. Þó nokkur vinna hefur þegar farið fram á hinum Norðurlöndunum í þessa veru.