Markmið Samfélagslegt markmið verkefnisins er að nemendur: -verði virkir og ábyrgir þátttakendur í mótun og nýsköpun í nánasta umhverfi sínu á sviði  atvinnu-,  félags- og menningarmála til gagns fyrir sjálfa sig og heildina.   Einstaklingsbundin markmið miða að því að nemandinn: -þroski með sér eiginleika frumkvöðuls í víðustu merkingu þess orðs, svo sem frumkvæði  og  áræðni, úrræða- og útsjónarsemi, skapandi hugsun, sjálfstæði og ákveðni,  ábyrgðarkennd,  bjartsýni og jákvæðni, sjálfstraust og sveigjanleika -læri að auðkenna tækifæri og kosti til umbóta og nýsköpunar -öðlist hæfni og vilja til að nýta tækifæri og koma hugmyndum í framkvæmd í formi  raunhæfra  verkefna þar sem reynir á samskipti, umburðarlyndi og þrautseigju -átti sig á afleiðingum eigin ákvarðana og gjörða og sé tilbúinn að taka ábyrgð á þeim    Markmið skólastefnu og skólstarfs er þau að skólinn: -móti heildarstefnu í stjórnunar-, kennslu- og samskiptaháttum sem miðar markvisst að því  að efla  frumkvöðlaanda og athafnasemi nemenda.    Skólinn: -leggi áherslu á viðhorfamarkmið ekki síður en þekkingar- og færnimarkmið -leggi í vaxandi mæli áherslu á heildstætt nám með raunhæfum, þverfaglegum  viðfangsefnum  (PBL = problembaseret,projektorganiseret læring), þar sem byggt er á  samþættingu fræðilegra og  hagnýtra námsþátta og reynslu nemendanna sjálfra, en dragi að  sama skapi úr hefðbundinni  kennslu innan vébanda einstakra námsgreina -hvetji nemendur til að skapa og þróa nýja þekkingu, ali þá upp í því hlutverki að bera  ábyrgð á  eigin námi og samstarfsverkefnum, skilgreina viðfangsefni, gera áætlanir, afla  upplýsinga og  varða leiðir að lausnum - en kennarinn sinni ráðgjöf og handleiðslu fremur  en beinni miðlun -opni dyr sínar út í samfélagið með því að byggja upp samstarf og tengslanet við aðrar  stofnanir,  fyrirtæki og félagasamtök til að skapa gagnkvæman skilning og aðstæður til að  nemendur og  skólinn sem slíkur geti tekið virkan þátt í eflingu grenndarinnar.    Til baka