Fréttabréf Kennarafélags Suðurlands

Lög Kennarafélags Suðurlands

 samþykkt á aðalfundi 1. okt 1998

I. kafli:  Nafn, félagssvæði og hlutverk

1. grein

Félagið heitir Kennarafélag Suðurlans - KS.  Félagssvæði þess er Árnes-, Rangárvalla-og Vestur-Skaftafellssýsla.  Félagið er aðili að grunnskóladeild Kennarasambands Íslands og gilda lög þess um starfsemi félagsins.

2. grein

Hlutverk félagsins er:

1. að efla samvinnu og samstöðu félagsmanna sinna,
2. að vinna að sameiningu allra kennar á félagssvæðinu í eitt félag,
3. að vera málsvari kennar og gæta hagsmuna félagsmanna sinna hvað varðar starf þeirra og stöðu,
4. að vinna að kröfugerð fyrir kjarasamninga í samvinnu við Kennarasamband Íslands,
5. að vinna að endurmenntun kennara,
6. að vinna að uppeldis- og skólamálum á sínu félagssvæði.

II. kafli    Félagsaðild

3. grein

Rétt til að vera í Kennarafélagi Suðurlands hafa:

1. þeir sem kenna við grunnskóla og framhaldsskóla og ðlast hafa rétt til starfsins samkvæmt lögum,
2. aðrir er kenna við grunnskóla; þeir hafa þó hvorki kosningarétt né kjörgengi til fulltrúaþings eða í stjórn félagsins fyrr en eftir þriggja ára kennsluferil,
3. þeir kennarar sem vinna sérhæfð uppeldis og kennslustörf við grunnskóla, framhaldsskóla, tónlistarskóla eða stofnanir sem starfa samkvæmt lögum um grunnskóla eða framhaldsskóla og hafa til þess tilskylda menntun,
4. starfandi kennarar við sérstofnanir og sjúkrahús,
5. félagar sem eru í orlofi halda fullum félagsréttindum, enda greiði þeir tilskilin félagsgjöld,
6. þeir félagar sem hætt hafa störfum vegna aldurs eða vanheilsu.

4. grein

Úrsögn úr KS skal vera skrifleg.  Þeir sem ekki greiða lögboðin félagsgjöld glata rétti sínum til að vera í KS.

III. kafli   Stjórn félagsins

5. grein

Aðalstjórn félagsins skipa 5 menn, kosnir bundinni, leynilegri kosningu:  formaður, varaformaður og 3 meðstjórnendur.  Varastjórn 3 manna er kosin á sama hátt í tölusettri röð.  Kosningu skal haga þannig:

1. kosinn formaður,
2. kosinn varaformaður,
3. kosnir 3 meðstjórnendur,
4. kosin 3 manna varastjórn.  Stjórnin skiptir með sér verkum á 1. stjórnarfundi.  Fulltrúar félagsins í stjórn KÍ eiga seturrétt á fundum stjórnarinnar með málfrelsi og tillögurétt og skulu boðaðir með sama hætti og aðrir stjórnarmenn.
5. kosnir skulu tveir skoðunarmenn reikninga og tveir til vara.

IV. kafli    Aðalfundur

6. grein

Aðalfund skal halda í tengslum við haustþing.                                                                                                Störf aðalfundar:

1. skýrsla stjórnar,
2. lagðir fram reikningar félagsins til samþykktar,
3. lagabreytingar,
4. kosning stjórnar og varastjórnar,
5. kosning tveggja endurskoðenda félagsreikninga og tveggja til vara,
6. kosning áheyrnarfulltrúa Skólaskrifstofu Suðurlands til fjögurra ára, það ár sem sveitarstjórnarkosningar fara fram,
7. kosning tveggja manna í uppstillingarnefnd en einn að auki skipar nýkjörin stjórn úr sínum hópi.  Uppstillingarnefnd gerir tillögur um menn til kjörs skv. liðum d,e,f, og g á næsta aðalfundi og liggi tillögur hennar fyrir ekki síðar en 1. maí ár hvert og er stjórn félagsins skylt að kynna þær tillögur öllum almennum félagsmönnum fyrir 1. júní.
8. Önnur mál.  Ef aðeins kemur fram ein tillaga um mann eða menn til kjörs eftir einstökum liðum getur aðalfundur samþykkt að fella niður leynilega kosningu og telst þá sjálfkjörið.

7. grein

Kjósa skal til fulltrúaþings Kennarasambands Íslands samkvæmt lögum þess.

8. grein

Reikningsár félagsins skal vera skólaárið 1. september - 31. ágúst.

9. grein

Lögum þessum má aðeins breyta á aðlafundi.                                                                                        Tillgögur að lagabreytingum skulu kynntar félagsmönnum með aðalfundarboði a.m.k. tveimur vikum fyrir fundinn.