 |
Kidlink samskiptaverkefnið
Yfirlit |
|
eru samtök sjálfboðaliða sem hafa það að markmiði að fá eins marga krakka undir 16 ára aldri (miðað er við lok grunnskóla) og hægt er til að taka þátt í alþjóðlegum umræðum.
Unnið er á 39 opnum póstlistum sem notaðir eru til samræðna, sérstöku kerfi til að spjalla beint saman (spjallrásum) og myndlistarsýningar eru á netinu. Sjálfboðaliðar koma alls staðar að úr heiminum. Flestir þeirra eru kennarar og foreldrar.
Frá því í upphafi, 25. maí 1990, hafa um 100,000 krakkar frá 117 löndum úr öllum heimsálfum tekið þátt í Kidlink. Tölvupóstur er aðallega notaður en beint "spjall", ýmsar tegundir vefsamskipta, fax, myndráðstefnur og fjarskipti hafa einnig verið notuð.
Í Kidlink fara samskipti fram á ensku, frönsku, hebresku, íslensku, japönsku, norrænum málum, portúgölsku, spænsku, tyrknesku og þýsku.
Vilt þú fá Kidlink á móðurmáli þínu? Það viljum við.
Þátttaka í Kidlink miðast við krakka undir 16 ára aldri (eða við lok grunnskóla). Þátttaka bekkja miðast við að nemendur séu innan aldursmarka í upphafi skólaárs.
Allir krakkar sem ætla að taka þátt í Kidlink verða að kynna sig og segja frá hvernig þau vilja hafa heiminn í framtiðinni. Það gera þau með því að svara Kidlink-spurningunum fjórum.
Þegar þau hafa skilað svörunum geta þau tekið þátt í öllu sem Kidlink býður upp á.
Þátttaka í Kidlink þýðir venjulega að þú sendir áskriftarbeiðni á netfang forrits sem sér um póstlistana. þar sem þú nefnir nafn póstlistans sem þú vilt skrá þig á og nafnið þitt. Það er allt og sumt sem þarf til að gerast þátttakandi í Kidlink! Öll þátttaka er endurgjaldslaus.
Ástæðulaust er að hafa áhyggjur þó þetta virðist flókið í upphafi. Næga hjálp er að fá; annars vegar í hverju verkefni fyrir sig (upplýsingar eru á vefsíðunum um fólk sem hægt er að spyrja) og hins vegar hjá góðu fólki í notendahjálpinni.
Póstlistarnir okkar eru byggðir upp á eftirfarandi hátt:
eru fyrir opnar umræður (pennavini), hópumræður, fyrirspurnir og þemu sem nemendur hafa unnið. Fjöldi Kidcafe póstlista og reglur um þátttöku geta verið mismunandi eftir málasvæðum.
Nokkrir póstlistar eru með mikið úrval styttri og lengri samskiptaverkefna á ýmsum tungumálum. Sum málasvæðin verða svo stór að þau fá sína eigin póstlista fyrir umræðuna. Núna eru KIDPROJ póstlistar til á ensku, spönsku og portúgölsku.
Nokkrir póstlistar á ensku eru með eitt umræðuþema í einu og byrjar nýtt þema
u.þ.b. annan hvern mánuð. Stjórnandi vinnur náið með krökkum sem taka þátt
í þemanu og kennurum þeirra.
Kidlink er með sitt eigið spjallkerfi (IRC) sem gerir krökkum um allan heim kleift að skrifa hvert öðru og fá svör eftir örfáar sekúndur. Að auki eru opnar umræður skipulagðar ásamt sérstökum uppákomum í tengslum við viðfangsefni á ýmsum póstlistum.
Krakkar geta sent myndir til listasafns Kidlink.
Stjórnpóstlistar (coordination lists) veita sumum umræðulistum krakkanna stuðning (á ekki við í Kidlink á íslensku). Kidlink er með nokkra almenna umræðulista fyrir fullorðna sem eru að byggja upp alþjóðasamskipti í Kidlink. Á þeim geta kennarar einnig skiptst á skoðunum um hvernig hægt er að nota Kidlink í tengslum við námskrána.
KIDLEADER póstlistarnir eru fyrir óformlegra Kidlink-umræðu kennara og annara fullorðinna sem eru leiðtogar Kidlink krakkanna.
Á KIDPLAN póstlistanum fer fram fjölmenn umræða um viðameiri breytingar á Kidlink.
Til að fylgjast með öllu sem gerist í Kidlink er hægt að gerast áskrifandi að Kidlink-póstlista fyrir tilkynningar.
er deild í "Stiftelsen Kidlink". Rannsóknarsviðið hvetur til rannsókna á menntun og sviðum sem tengjast félags- og hugvísindum og byggjast á Kidlink-gögnum, eldri gögnum og verkefnum sem eru í gangi.
Menntasviðið býður upp á námskeið, erindi og ráðgjöf fyrir kennara, foreldra, kennaramenntastofnanir, háskólastofnanir, opinbera starfsmenn og aðra sem hafa áhuga á Kidlink.
Glærur um Kidlink, eru hér . Hægt er
að skoða þær á vefsíðum eða ná í skrá (á .gif formi) til að sýna þær
sjálfstætt án tengingar við Internetið.
Til að fá frekari upplýsingar um Kidlink samskiptaverkefnið skrifaðu til kidlink-info@kidlink.org. Vefsíðunni er viðhaldið af Odd de Presno. - síðast breytt 21. febrúar 1998. Íslenska þýðingu gerði Lára Stefánsdóttir, yfirlestur móðurmáls Jóna Pálsdóttir 14. mars 1998
Copyright © 1998 Kidlink . Öll réttindi áskilin.