markmid

Ferðalag Finna fiðrildis -- Markmið

Forsíða

Einhverjar spurningar?

Markmið verkefnisins

Markmið samkvæmt Aðalnámskrá grunnskóla árið 1999 Lífsleikni Landafræði Upplýsinga- og tæknimennt. Íslenska

Markmið okkar með verkefninu eru m.a. að nemendur :

- kynnist landinu í gegnum jafnaldra

- læri um heimabyggð sína

-kynnist lífi jafnaldra sinna víðsvegar um landið

- átti sig á að krakkar í öðrum landshlutum eru ekki svo ólikir þeim sjálfum.

Ekki má gleyma tölvu-og upplýsingamarkmiðunum sem eru:

- notkun tölvupósts

- gerð vefsíðna

- upplýsingaleit

Markmið samkvæmt Aðalnámskrá grunnskóla árið 1999:

Hér á eftir koma markmið úr Aðalnámskrá grunnskóla frá árinu 1999 sem verkefnið stuðlar beint að. Einungis koma fram markmið úr lífsleikni,landafræði,íslensku og upplýsinga- og tæknimennt en verkefnið stuðlar einnig að mörgum öðrum mikilvægum markmið.

Lífsleikni:

Í inngangi segir,,… er verið að svara kalli nútímans um að búa nemandann betur undir það að takast á við lífið. Til þess þarf hann að vinna með sjálfan sig, bera virðingu fyrir sjálfum sér og þekkja sterkar og veikar hliðar sínar. … Fengist er við þætti sem tengjast því að vera þátttakandi í lýðræðislegu þjóðfélagi, tilheyra fjölskyldu eiga vini og félaga, vinnu með öðrum og setja sig í spor annarra.” ( Bls.6-7, Nýsköpun)
Áfram segir: ,, Fyrri viðfangsefnin eru kjarni greinarinnar. Þar er miðað að aukinni sjálfsþekkingu, þroska og mannrækt… Seinni viðfangsefnin, undir heitinu samfélag, umhverfi , náttúra og menning…” (Bls.7-8, Nýsköpun)

Lokamarkmið lífsleikni í grunnskóla:
Nemandi:

rækti með sér samkennd, samhygð og virðingu fyrir skoðunum og lífsgildum annarra til að geta átt auðug og gefandi samskipti við einstaklinga óháð kyni, kynferði, þjóðerni, trú, líkamlegu og andlegu atgervi
öðlist færni í tjáskiptum og styrkist þannig í að tjá og fylgja eftir skoðunum sínum, tilfinningum og hugðarefnum
fái tækifæri til að fjalla um ýmis dægurmál sem upp kunna að koma hverju sinni, í næsta umhverfi eða á opinberum vettvangi.

Áfangamarkmið við lok 4.bekkjar í lífsleikni:
Nemandi á að:

gera sér grein fyrir að í umhverfinu eru margvísleg áreiti, jákvæð og neikvæð, sem geta haft áhrif á líf hans
virða og átta sig á tilgangi leikreglna í mannlegum samskiptum
geta tjáð hugsnir, skoðanir, tilfinningar og væntingar
hafa áræði til að spyrja gagnrýninna spurninga
sýna frumkvæði og sköpun í vinnubrögðum
gera sér grein fyrir að ekki eru allir eins og tileikna sér þannig virðingu fyrir sérstöðu annarra hvað varðar útlit, klæðaburð og smekk
hafi lært leiðir til að efla samskiptafærni sína sem felur meðal annars í sér:

-færni í samvinnu

-að sýna tillitssemi

-að bera virðingu fyrir sjálfum sér og öðrum

-að setja sig í spor annarra

-að hlusta á aðra og sýna kurteisi

Landafræði:

Í inngangi stendur ,,Takmarkið er því ekki einungis að nemendur innbyrði fróðleiks til næsta prófs. Þekking er sett í samhengi og greypist við það í minni þeirra. Hún á þannig að geta orðið þeim tiltæk þegar leitað er svara við brýnum spurningum hversdags og framtíðar. Þannig er landafræði bæði spennandi og skemmtileg námsgrein sem þroskar sköpun hugans og tilfinningar jafnt í leik og í starfi."

(Bls. 53, Samfélagsgreinar)

Þrepamarkmið í landafræði, 5.bekkur:
Landafræði Íslands:
Nemandi:

þekki á Íslandskorti nöfn og legu landsfjórðunganna
þjálfist í að lýsa helstu landfræðilegu einkennum hvers landshluta
verði fær um að greina hvað er líkt og hvað er ólíkt í heimabyggðinni og öðru byggðarlagi
kynni sér auðlindir og atvinnulíf í heimabyggð sinni og landshluta og sé fær um að bera það saman við landið í heild
þekki hvernig byggð dreifist um landið.

(Bls.63-64, Samfélagsgreinar)

Upplýsinga- og tæknimennt.

Áfangamarkmið í upplýsingamennt við lok 7.bekkjar:
Tæknilæsi:
Nemandi á að:

hafa náð tökum á réttri fingrasettningu á lyklaborð, tileinkað sér blindskrift og réttar vinnustellingar
kunni skil á póstforritum til að hafa samskipti við aðra nemendur innanlands og erlendis
geti búið til einfaldan heimasíðuvef og flutt út á net.

(Bls.28, Upplýsinga- og tæknimennt)

Áfangamarkmið í nýsköpun og hagnýtingu þekkingar við lok 4.bekkjar:
Hugmynd, lausn,afurð:
Nemandi á að:

hafa tekið þátt í samstarfsverkefni gegnum tölvunet með nemendum í öðrum skólum og kynnst aðstæðum og vinnu annarra í gegnum slíkt verkefni.

(Bls.36, Upplýsinga- og tæknimennt).

Íslenska

Í inngangi segir að ??…nauðsynlegt er að nemendur þjálfist í að gera skipulega grein fyrir kunnáttu sinni og skoðunum í rituðu máli í flestum námsgreinum á öllu skólastigum. Því er ýmiss konar glósugerð, skýrslugerð og fleiri ritunarverkefni ríkur þáttur í öllu námi svo og samskipti við annað fólk, t.d. með tölvupósti. Í móðurmáli stuðlar þjálfun í ólíkum þáttum ritaðs máls að betra valdi á málinu. Leggja ber mikla áherslu á að nemendur nái tökum á að setja eigið efni skýrt og skipulega fram með ýmsum hætti fyrir ólíka hópa lesenda, bæði handskrifað, á tölvutæku formi og á vefsíðum.”
(Bls.12, Íslenska)

Í þrepamarkmiðum í íslensku í 5.bekk kemur fram að nemandi:

geti skráð framvindu og niðurstöður í verkefnum sem hann vinnur, t.d. í sögu, landafræði eða náttúrufræði
þjálfist í að nota tölvur við ritun, m.a. við sögugerð og réttritun
þjálfist í réttri fingrasetningu með ýmsum ritunarverkefnum
kynnist töluvsamskiptum, m.a. með tölvupósti til jafnaldra hér á landi.

Verkefnið um Finna fiðrildi stuðlar að öllum fyrrnefndum markmiðum á einn eða annan hátt, hvort það sé í samskiptum milli nemenda á milli landshluta, í bekknum sjálfum meðan á vinnu stendur eða vinnan sjálf við verkefnið. Einnig er það löngum þekkt að fólk sjái sig í nýju ljósi þegar það hefur séð og lært af öðru fólki.