Þegar kennari hefur gerst áskrifandi að Kidlink og er ákveðinn að slást í hópinn er ekki ólíklegt að hann efist um að þetta gangi upp í skólastofunni.

Hvað getur t.d kennari gert ef það er bara ein tölva í skólastofunni?

Að sjálfsögðu er það erfiðara, en það er hægt. Það verður bara að skipuleggja allt vandlega áður en byrjað er. Jafnvel þó tölvan sé ekki tengd við alnetið getur þetta gengið. Að vísu verður kennarinn að hafa aðgang að netinu einhvers staðar, í skólanum eða heima. Hér eru nokkur ráð handa þeim sem hafa aðeins eina tölvu í stofunni:

1. Lesið allt um verkefnið og segið nemendunum frá því helsta.

2. Hafið töflu þar sem skilaboð til nemenda eru hengd upp.

3. Skiptið um skilaboð jafnóðum og þau berast (daglega).

4. Látið það sem tekið er niður í möppu sem nemendur hafa aðgang að.

5. Látið nemendur gera breiðan borða með nafni verkefnisins og hengið hann upp á góðum stað.

6. Farið í pósthólfið á hverjum degi, prentið út og lesið umræðuna um verkefnið fyrir nemendurna.

7. Ræðið hana við bekkinn.

8. Leyfið bekknum að ræða saman.

9. Skrifið í samvinnu við hópinn eitt svar frá öllum nemendunum sem tóku þátt í umræðunum.

10. Látið einhvern nemanda vélrita svarið og vista á disklingi. Að sjálfsögðu er hægt að hafa fleira en eitt svar ef tími (til að vélrita) og ástæða er til.

11. Farið með disklinginn í tengda tölvu og sendið svarið á listann (kidproj-islenska)

12. Þegar svör berast til nemenda er rétt að prenta þau út í nokkrum eintökum, dreifa nokkrum og setja eitt á töfluna.

---

Ef nemendur komast í tölvustofuna einu sinni í viku og ....hún er ekki tengd við alnetið?

Hafi nemendur tækifæri til að fara í tölvustofu einu sinni í viku til þess að vélrita er skynsamlegast að ræða við þá jafnóðum um það sem fram kemur á listanum svo að þeir verði búnir undir að taka þátt í umræðunni á póstlistanum. Í tölvustofunni gætu þeir svo vélritað svör sín, vistað á diski og kennarinn síðan sent þau.

Ef nemandi notar eigið netfang verður hann að gerast áskrifandi sjálfur. Það er ekki nauðsynlegt að hafa eigið netfang til þess að taka þátt í verkefni sem einstaklingur. Hópurinn getur allur notað sama netfangið.

---

Fara á Kidlink heimasíðuna Til að fá frekari upplýsingar um Kidlink samskiptaverkefnið viltu skrifa til  kidlink-info@kidlink.org. Copyright ® 1998 Kidlink . Öll réttindi áskilin. Sendið athugasemdir til  KIDLINK vefstjórans á Íslandi.