Aðalnámskrá grunnskóla

Áfangamarkmið í skólaíþróttum við lok 10. bekkjar

Á unglingastigi er nauðsynlegt að tengja íþróttakennsluna í auknum mæli við fræðilega innlögn, markvissa ástundun íþrótta eða líkams- og heilsurækt. Þjálfa þarf nemendur í því að taka ábyrgð á eigin heilsu. Bjóða skal nemendum fjölbreytta þjálfun sem nær til alhliða líkams- og heilsuræktar, almenningsíþrótta og íþróttagreina. Við kennslu íþróttagreina skal áfram leggja áherslu á leikræna nálgun undirstöðuatriða og tengja kennsluna við umræðu um gildi íþrótta. Með skírskotun til loka- og áfangamarkmiða skólaíþrótta er ekki hægt að gera þá kröfu til íþróttakennara eða til námsgreinarinnar að allar íþróttagreinar, sem stundaðar eru hér á landi, verði teknar fyrir. Kennarar hafa þó þann möguleika að nýta sér viðfangsefni þeirra til að þjóna þeim markmiðum sem stefnt er að. Á þessum árum er mikilvægt að búa nemendur markvisst undir að taka sjálfstæða ákvörðun við val á íþróttum og heilsurækt. Einnig þarf að tengja kennsluna í þessum áfanga við almenna íþróttakennslu í framhaldsskólum.

Skynþroski Hreyfiþroski
Nemandi á að hafa

endurtekið útfærslu flókinna hreyfinga þannig að þær verði sjálfvirkar
tekið þátt í íþrótt eða líkamsrækt að eigin vali
fundið sér leið til iðkunar íþrótta eða líkams- og heilsuræktar
náð valdi á tækni íþróttagreinar að eigin vali
tekið þátt í óhefðbundinni eða sérhæfðri íþróttagrein

Líkamsþroski Fagurþroski
Nemandi á að hafa

bætt þol sitt með æfingum og leikjum
bætt vöðvakraft sinn og líkamsstöðu með fjölbreyttri kraftþjálfun
aukið hraða sinn og snerpu með fjölbreyttri þjálfun
bætt liðleika sinn, líkamsreisn og hreyfigetu með fjölbreyttum æfingum
tekið þrek- og liðleikapróf til að meta eigið þrek og liðleika
eflt hugmyndaflug sitt, sköpunarmátt og tjáningu með fjölbreyttu hreyfinámi með eða án tónlistar
nýtt sér náttúru og umhverfi til líkams- og heilsuræktar

Félagsþroski Tilfinningaþroski Siðgæðisþroski
Nemandi á að hafa

öðlast félagslega færni til að geta komið á samskiptum við nýja félaga við skipulagningu íþrótta, heilsuræktar og útiveru
kynnst viðbrögðum sínum við ýmsum tilfinningalegum áreitum og geta bæði tjáð tilfinningar sínar og haft stjórn á þeim
gert sér grein fyrir hlutverki sínu sem fyrirmynd annarra og skilja mikilvægi hvatningar
þroskað með sér góða siðferðiskennd í íþróttum
bætt sjálfsmynd sína varðandi íþróttir, hreyfingu og útiveru
gert sér grein fyrir mikilvægi hóps sem fyrirmyndar í mótun sjálfsmyndar einstaklings

Vitsmunaþroski
Nemandi á að hafa

tileinkað sér helstu atriði sem einkenna heilbrigðan lífsstíl
tileinkað sér slökunartækni
öðlast skilning á mikilvægi íþrótta, útivistar og hreyfingar út frá félags- og menningarlegu sjónarmiði
öðlast þekkingu á áhrifum skipulagðrar þjálfunar á líkamann
tileinkað sér orðaforða, málfar og hugtök sem tengjast skólaíþróttum
tekið þátt í iðkun íþrótta í heimahverfi og kynnst því á landsvísu
tileinkað sér helstu öryggis- og umgengnisreglur á nýjum vettvangi
lært helstu atriði skyndihjálpar
nýtt sér tölvu og upplýsingatækni við eigin íþróttaiðkun eða líkams- og heilsurækt

Dæmi um útfærslu námsmats í skólaíþróttum við áfangamarkmið 10. Bekkjar

Skynþroski Hreyfiþroski
Við lok 10. bekkjar er æskilegt að meta færni hvers nemanda í settum markmiðum.

Eftirfarandi atriði eru sett fram sem dæmi um námsmat:

Samsett æfing, s.s.

forhopp, arabastökk, langur kollhnís, teygjuhopp og hálfur snúningur, jafnvægisstaða á öðrum fæti með bolhalli fram, handstöðuvelta í réttstöðu
Færnipróf í íþróttagreinum sem m.a. tengjast vali nemanda

Færnipróf í íþróttagreinum sem m.a. tengjast vali nemanda

Líkamsþroski Fagurþroski

Við lok 10. bekkjar er æskilegt að meta hreysti og hæfileika hvers nemanda í eftirfarandi atriðum:

Þolprófi

fjölþrepapróf (MSFT)

Hraðaprófi

60 m hlaup

Kraftprófi

uppstökk án atrennu

Liðleikaprófi

teygt fram á kassa

Boltakasti

kastað með 80 g bolta

Félagsþroski TilfinningaþroskiSiðgæðisþroski
Við lok 10. bekkjar er æskilegt að meta eftirfarandi atriði:

Mat nemenda á eigin líðan og upplifun kennslunnar

Hvernig hefur þér líkað íþróttatímarnir í vetur? ( ) Mjög vel
( ) Vel
( ) Hvorki vel né illa
( ) Illa
( ) Mjög illa Hve mikilvægar finnast þér skólaíþróttir vera? ( ) Mjög mikilvægar
( ) Mikilvægar
( ) Skipta litlu máli
( ) Ekki mikilvægar
( ) Skipta engu máli Hvaða líkur eru á því að þú stundir líkams- eða heilsurækt eftir lok grunnskóla? ( ) Mjög miklar líkur
( ) Miklar líkur
( ) Hvorki miklar né litlar
( ) Litlar
( ) Engar Mat kennara á samskiptahæfni og félagsþroska Hvernig hefur nemanda vegnað í samskiptum við aðra í kennslustundum í vetur? ( ) Mjög vel
( ) Vel
( ) Hvorki vel né illa
( ) Illa
( ) Mjög illa Vitsmunaþroski
Við lok 10. bekkjar er æskilegt að meta eftirfarandi atriði:

Þekkingu nemenda á
- helstu breytingum á starfsemi líkamans við þjálfun
- mismunandi þjálfunaraðferðum
- gildi heilbrigðs lífsstíls
Vinnu í tengslum við heilsuræktardagbók

[Til baka]

EAN 1999