Aðalnámskrá grunnskóla

Lokamarkmið í skólaíþróttum

Eins og fram kemur í almennum hluta námskrár er eðli lokamarkmiða að gefa heildarsýn yfir það sem stefnt er að í kennslu einstakra námsgreina. Lokamarkmið skólaíþrótta greina frá almennum tilgangi námsins. Þeim fylgja áfanga- og þrepamarkmið sem eru í beinu samhengi við lokamarkmiðin og gera það mögulegt að þeim sé náð. Á þennan hátt eru markmiðin leiðarvísir í öllu skólastarfi og forsenda áætlanagerðar um nám og kennslu. Þau stýra kennslu og framsetningu á námsmati og eru grundvöllur mats á gæðum skólastarfs.

Skynþroski Hreyfiþroski
Nemandi

efli skynfæri líkamans og samspil þeirra við útfærslu hreyfinga
geti stjórnað gróf- og fínhreyfingum
finni farveg fyrir hreyfiþörf sína í fjölbreyttum æfingum og leikjum
þjálfist í undirstöðuatriðum helstu íþróttagreina sem stundaðar eru hér á landi

Líkamsþroski Fagurþroski
Nemandi

efli á markvissan hátt líkamshreysti sína og þrek
geti nýtt sér stöðluð þrekpróf til að byggja upp eigið þrek og líkamshreysti
þjálfist í undirstöðuatriðum almennrar líkamsbeitingar
finni farveg fyrir hreyfiþörf sína í útivist, leikrænni tjáningu og sköpun

Félagsþroski Tilfinningaþroski Siðgæðisþroski
Nemandi

öðlist áhuga og jákvætt viðhorf til íþróttaiðkunar, líkams- og heilsuræktar
geri sér grein fyrir gildi samvinnu í leik og keppni
geti tjáð tilfinningar sínar í orði og verki
sýni öðrum virðingu og umburðarlyndi í leik og starfi
öðlist og styrki jákvæða sjálfsmynd með þátttöku í leikjum, íþróttum, hreyfingu, dansi eða útiveru

Vitsmunaþroski
Nemandi

þekki gildi heilbrigðs lífernis fyrir starfsemi líkamans
þekki og tileinki sér þjálfunarleiðir íþrótta og heilsuræktar
þekki íslenska íþróttamenningu, s.s. glímu og leiki
búi yfir fjölþættum orðaforða sem tengist líkams- og heilsurækt
þekki og tileinki sér öryggis- og skipulagsreglur í skóla-íþróttum
geti nýtt sér upplýsingamennt við alhliða líkams- og heilsurækt og mat á eigin heilsu

[Til baka]

EAN 1999