Aðalnámskrá grunnskóla

Lokamarkmið í skólasundi

Skýr markmið í skólasundi eru eins og í öllu skólastarfi grundvallarþáttur í markvissri kennslu og framförum. Þau eru leiðarvísir í sundnáminu og forsenda áætlanagerðar og námsmats. Skýr framsetning markmiða er undirstaða þess að allir leggi í þau sama skilning þannig að þau dugi sem viðmið í skólastarfi. Markmiðin endurspegla stefnuna, eru nemendamiðuð, þ.e.a.s. lýsa því hvað nemandinn á að gera, kunna eða geta. Þau taka einnig til alhliða þroska nemandans, allra þátta námsgreinarinnar og einnig til þverfaglegra þátta. Markmið eru sett fram á sama hátt og í skólaíþróttum, sjá nánari umfjöllun um markmið og markmiðasetningu í almennum hluta námskrár og í formála.

Skynþroski Hreyfiþroski
Nemandi

efli skynfæri líkamans og samspil þeirra við útfærslu hreyfinga í vatni
geti stjórnað gróf- og fínhreyfingum í vatni
finni farveg fyrir hreyfiþörf sína í fjölbreyttum æfingum og leikjum í vatni
læri að bjarga öðrum í vatni
læri helstu sundaðferðir og teljist syndur

Líkamsþroski Fagurþroski
Nemandi

efli á markvissan hátt líkamshreysti sína og þrek með æfingum og leikjum í vatni
geti nýtt sér stöðluð sundpróf til að fylgjast með og byggja upp þrek sitt og líkamshreysti
finni farveg fyrir hreyfiþörf sína í tjáningu og sköpun í vatni

Félagsþroski TilfinningaþroskiSiðgæðisþroski
Nemandi

öðlist áhuga og jákvætt viðhorf til sundkennslu og sundiðkunar
geri sér grein fyrir gildi samvinnu í leik og keppni
öðlist og styrki jákvæða sjálfsmynd með þátttöku í sundæfingum og sundleikjum

Vitsmunaþroski
Nemandi

öðlist þekkingu og reynslu til að nýta sér sundiðkun til líkams- og heilsuræktar
þekki möguleika sundiðkunar sem almennrar frístundaiðju
tileinki sér orðaforða og hugtök sem tengjast sundiðkun og ýmsum hreyfingum í vatni
þekki og tileinki sér öryggis- og skipulagsreglur sundstaða

[Til baka]

EAN 1999