Aðalnámskrá grunnskóla

Þrepamarkmið í landafræði, 6. bekkur  

• læri að lesa legu staðar á heimskorti út frá lengdar- og breiddargráðum
• læri að lesa af hefðbundnu staðfræðikorti upplýsingar um megindrætti landslags, landnotkun, búsetu og samgöngukerfi
• þekki á Evrópukorti nöfn og legu Norðurlandanna, stærstu borgir, ár, vötn, eyjar og fjallgarða

• kynnist landslagi, náttúrufari og auðlindum Norðurlandanna og mótun ísaldarjökulsins
• þekki megineinkenni gróðurfars og loftslags Norðurlanda auk ríkjandi vinda og hafstrauma
• átti sig á að hann er að alast upp við aðstæður sem eru síbreytilegar
• kynnist dæmum um ólík lífsskilyrði fólks á Norðurlöndum
• fjalli um í hvaða átt þróunin stefnir í litlum samfélögum, meðalstórum bæjum og stórum borgarsamfélögum á Norðurlöndunum
• átti sig á hvað er líkt og hvað ólíkt í atvinnulífi, búsetumynstri og lífsháttum Norðurlandabúa
• þekki helstu menningareinkenni Norðurlandabúa eins og tungumál, trúarbrögð, lífskjör, menntamál og félagsmál
• þekki helstu atvinnuvegi Norðurlandabúa og framleiðslu þeirra
• kunni dæmi um hvernig náttúran hefur haft áhrif á lifnaðarhætti fólksins
• kynnist hvernig framleiðsla íbúanna og neysla þeirra hefur áhrif á náttúruna
• þekki dæmi um það hvað íbúar Norðurlanda hafa gert til að ráða bót á því sem miður hefur farið í umhverfi þeirra
• kynni sér á hvaða sviðum Norðurlandaþjóðirnar eiga með sér samstarf og í hverju það felst