Aðalnámskrá grunnskóla

Lokamarkmið í hönnun og smíði

Iðnhönnun og nýsköpun
• geti nýtt sér margs konar aðferðir við söfnun, skoðun, greiningu og úrvinnslu hugmynda
• geti greint þarfir í umhverfi sínu, tækifæri og möguleika við hönnun og framleiðslu á hlut, kerfi eða umhverfi út frá meginhugmynd
• hafi lært að meðhöndla meginhugmyndir í gegnum hönnunar- og nýsköpunarferli
• geti nýtt sér ýmsar tísku- og listastefnur í umhverfi sínu við útfærslu hugmynda
Tæknigrunnur
• geri sér grein fyrir möguleikum tækninnar og hagnýtingu hennar í umhverfinu
• hafi öðlast innsæi í eðli og hagnýtingu tækninnar í verklegri framkvæmd
Handverk og verkstæðisþættir
• öðlist þekkingu og færni í notkun, meðferð og möguleikum ólíkra tækja og verkfæra
• öðlist þekkingu og færni í notkun, meðferð og möguleikum ólíkra efna
• öðlist innsýn í að velja, skilgreina og byggja upp heppilegar framleiðsluaðstæður í samræmi við markmið og tilgang framleiðslu
• hafi tileinkað sér ábyrga umgengni og öryggisreglur við verklega vinnu
• hafi tileinkað sér rétta líkamsbeitingu og hollustuvenjur við vinnu
Framleiðslan
• öðlist innsýn í framleiðsluferli og lífssögu hluta í verklegri framkvæmd
• kunni skil á margvíslegum framleiðsluaðferðum við gerð hluta og vöru
• kunni skil á helstu þáttum vöruþróunar, verkáætlana og markaðssetningar vöru
Einstaklingur, umhverfi, verkmenning
• geti nýtt sér verkkunnáttu sína til þátttöku í atvinnulífi er byggist á verklegri framkvæmd, tækniþekkingu og hæfni til samskipta
• verði meðvitaður um getu sína til að móta umhverfi sitt með skapandi starfi á verksvæði
• hafi þroskað með sér tilfinningu fyrir samvinnu og félagslegri ábyrgð til að takast á við umhverfisþætti svo sem mengun og náttúruvernd
Áhrif á viðhorf og getu nemandans í daglegu lífi
• efli frumkvæði sitt, áræði og framtak í verklegri framkvæmd
• þroski með sér innra mat á notagildi hlutanna og fegurð þeirra
• styrki sjálfsmynd sína, færni og þekkingu með því að móta eigin hugmynd
Stuðningsþættir
• geti nýtt sér margs konar upplýsingalindir sem uppsprettu og við þróun og framkvæmd hugmynda
• verði læs á tæknina í umhverfi sínu
• öðlist innsýn í áhrif nýsköpunar, tækni og hönnunar á samfélag og umhverfi í fortíð, nútíð og framtíð
• öðlist færni í að meta og rökstyðja gildi og áhrif hugmynda og afurða á umhverfið
• geti á sjálfstæðan, raunhæfan og skapandi hátt lagt mat á gæði og möguleika eigin verka og annarra