Hver og einn getur oftast ráðið því hvernig hann eða hún skipuleggur sitt eigið herbergi og fjölskyldan eða sambýlisfólk hjálpast að við að koma sér fyrir inni í íbúðinni sinni. Umhverfið utan húss snertir líka nágrannana, enginn einstaklingur getur einn tekið ákvörðun um hvar íbúðarhús á að standa eða vegur að liggja. Áður en farið er út í að framkvæma eitthvað sem breytir umhverfi eða náttúru verður að skipuleggja hvað á að gera og kynna það fyrir öllum sem málið varðar.

Sveitarstjórnir annast skipulag innan síns héraðs; þær ákveða hvar eiga að vera götur, íbúðahverfi, skólar, verslanir, garðar og allt annað. Skipulag ríkisins hefur yfirumsjón með skipulagi á landinu í heild. En hvað getum við gert?