Allir geta lagt sitt af mörkum til að draga úr mengun. Við drögum úr mengun loftsins þegar við göngum, hjólum eða notum almenningssamgöngur í stað þess að aka á milli staða í einkabíl. Flest notum við einhvern tíma efni sem hættulegt er að komist út í náttúruna, svo sem ýmiss konar hreingerningarvörur, olíuefni, málningarvörur og rafhlöður. Við verðum að gæta þess að meðhöndla þessi efni aldrei af kæruleysi og losa okkur við þau á sérstakar móttökustöðvar þar sem þeim er fargað á viðeigandi hátt.