Í þjóðgörðunum starfa þjóðgarðsverðir allt árið, einn í hverjum garði. Þeir eiga þátt í að útbúa áætlanir um verndun og skipulag þjóðgarðanna, þeir sjá um allan rekstur og starfsemi í þjóðgörðunum og eru verkstjórar landvarða á sumrin. Þeir safna ýmiss konar gögnum um þjóðgarðana og gera drög að fræðsluefni um þá, svo sem bæklingum, dagskrá landvarða og skólaheimsóknum.