Þá er komið að lokum þessarar ráðstefnu. Markmið hennar var að efla umræður um leiðir til að styrkja skólastarf og efla samstarf skólafólks á ólíkum skólastigum hvarvetna um landið. Við höfum fræðst um það sem þegar hefur verið gert og auk þess hefur verið bent á fleiri leiðir og möguleika.

Ég þakka öllum sem hér hafa lagt af mörkum: tónlistarfólki, fyrirlesurum, fundarstjórum, húsráðendum og öðru aðstoðarfólki. Fyrir hönd þeirra sem staðið hafa að þessari ráðstefnu færi ég undirbúningsnefndinni bestu þakkir fyrir gott starf og leyfi mér þar sérstaklega að nefna Ingólf Á. Jóhannesson en það var hann sem átti hugmyndina að ráðstefnunni og hann hefur verið leiðandi í öllum undirbúningi hennar.

Þessi ráðstefna hefur verið sérlega fróðleg. Hún hefur einnig verið skemmtileg og uppbyggileg. Hér hafa komið fram fjölmargar áhugaverðar hugmyndir sem unnt verður að byggja á. Áríðandi er að áfram verði haldið við að leita allra leiða til að efla enn menntun í dreifbýli.

Með þessum orðum slít ég ráðstefnunni.