Á þessum vef eru birt erindi sem flutt voru á ráðstefnunni Menntun í dreifbýli sem fram fór í Stórutjarnaskóla í Ljósavatnsskarði 28. apríl 2001. Að ráðstefnunni stóðu Félag íslenskra leikskólakennara, félagsvísindadeild Háskóla Íslands, kennaradeild Háskólans á Akureyri, Kennaraháskóli Íslands, Kennarasamband Íslands, menntamálaráðuneytið, Samband íslenskra sveitarfélaga og Samtök fámennra skóla. Þá skal geta styrks, kr. 100 þúsund, frá Rannsóknasjóði Háskólans á Akureyri.

Á ráðstefnunni var fjallað um stöðu skóla- og fræðslustarfs í dreifbýli á öllum skólastigum, auk fullorðinsfræðslu. Flutt voru stutt erindi um áhugavert skólastarf og rannsóknarverkefni sem tengdust meginefni ráðstefnunnar. Þá var efnt til umræðna um leiðir sem vænlegar þykja til að styrkja skólastarf og efla samstarf skólafólks á ólíkum skólastigum hvarvetna um landið.

Málshefjendur veittu góðfúslega leyfi sitt til birtingar á erindum á þessum vef. Umsjón með þessari vefútgáfu hafði Ingvar Sigurgeirsson í samvinnu við Ingólf Á. Jóhannesson og Rúnar Sigþórsson.

• Ólafur J. Proppé rektor Kennaraháskóla Íslands: Setning ráðstefnu
• Ávarp undirbúningsnefndar
• Bjarki Jóhannesson forstöðumaður þróunarsviðs Byggðastofnunar: Þáttur menntunar í byggðaþróun
• Ingi Rúnar Eðvarðsson dósent við Háskólann á Akureyri: Rannsóknin Háskólamenntun og búseta
• Hólmfríður Árnadóttir skólastjóri leikskólans Krummafótar á Grenivík: Rödd barnsins
• Þóra Björk Jónsdóttir kennsluráðgjafi við Skólaskrifstofu Skagfirðinga: Stuðningur við starf. Hugmyndir grunnskólakennara í dreifbýli
• Helga M. Steinsson skólameistari Verkmenntaskóla Austurlands í Neskaupstað: Hornsteinn í heimabyggð eða hvað? Hlutverk framhaldsskólans í dreifbýli
• Anna Kristín Gunnarsdóttir framkvæmdastjóri Farskóla Norðurlands vestra, miðstöðvar símenntunar: Breytum byggð: Leonardo da Vinci starfsmenntaverkefni á Hofsósi (glærur)
• Anna Bergsdóttir skólastjóri Grunnskólans í Grundarfirði: Fjarnám í Grundarfirði (glærur)
• Edda Eiríksdóttir grunnskólakennari: Að fortíð skal hyggja þá framtíð á að byggja
• Kristín Eiríksdóttir skólastjóri Leikskólans Brimvers á Eyrarbakka: Samstarfsverkefnið við Ströndina (glærur)
• Jón Torfi Jónasson prófessor í uppeldis- og menntunarfræði við félagsvísindadeild Háskóla Íslands: Hver er munur á aðstöðu í dreifbýli og þéttbýli? Staða og horfur - kynning á nýjum rannsóknarniðurstöðum
• Elín R. Líndal formaður byggðarráðs Húnaþings vestra og Jafnréttisráðs: Að vera til
• Niðurstöður hugarflugsfunda: Hvaða ráðstafanir geta helst orðið til að efla menntun í dreifbýli?
• Guðrún Ebba Ólafsdóttir formaður Félags grunnskólakennara: Ráðstefnuslit
• Kveðja frá rektor Háskólans á Akureyri

   

  Heimasíða Samtaka fámennra skóla