1. gr.
Nafn félagsins er Samtök fámennra skóla, skammstafað S.F.S.
2. gr.
Hlutverk samtakanna er að efla samstarf og samskipti
fámennra skóla, stuðla að bættu og
fjölbreyttara skólastarfi og standa vörð um
hagsmuni skólanna.
3. gr.
Félagar geta orðið: Kennarar, leiðbeinendur og
skólastjórar í fámennum skólum
á öllum skólastigum. Einnig allir þeir sem
áhuga hafa á fræðslumálum og vilja
leggja félaginu lið.
4. gr.
Reikningsár er milli aðalfunda. Árgjald skal
ákveðið á aðalfundi ár hvert og
innheimt sem fast gjald á hvern fámennan
skóla.
5. gr.
Samtökin skulu halda haustþing árlega til
skiptis í fræðsluumdæmum hinum fornu í
tengslum við aðalfund. Til aðalfundar skal boðað
með minnst mánaðar fyrirvara. Fráfarandi
stjórn leggur fram tillögu um næstu stjórn
og varastjórn sem kjósa skal á aðalfundi.
Stjórnin skal skipuð fimm mönnum sem búsettir
eru í sama fræðsluumdæmi og fimm
varamönnum, búsettum í því
fræðsluumdæmi sem næst heldur aðalfund.
Varastjórn tekur sjálfkrafa við af
aðalstjórn.
6. gr.
Stjórnin skiptir sjálf með sér verkum:
formaður, varaformaður, ritari, gjaldkeri og
meðstjórnandi.
Stjórn og varastjórn skulu halda sameiginlegan vorfund
þar sem ákveðin er dagskrá haustþings.
7. gr.
Stjórn skipar tengiliði í hverju umdæmi.
8. gr.
Lögum þessum má aðeins breyta á aðalfundi með einföldum meirihluta atkvæða fundarmanna.
9. gr.
Lög þessi öðlast þegar gildi.
Samþykkt á aðalfundi Samtaka fámennra skóla á Stórutjörnum 20. okt. 2001
|
|