Kölski smíðar brú á Rangá
Saga frá Árna Magnússyni í safni Jóns Árnasonar

Tilsagði Sæmundur sínum þénustuanda að gjöra brú yfir Rangá undir Bergvað, því oftsinnis var örðugt yfir ána að komast, einkum þeim er til Odda skyldu tíðir sækja. Andinn skildi sér til launa þá þrjá sem á fyrsta sumardegi gengi yfir brúna fyrstir, þeir skyldu hans eign vera, hverju Sæmundur játaði. Að brúnni fullgjörðri lét Sæmundur til uppfyllingar síns loforðs bera þrjá hvelpa að brúnni og kasta þeim út á hana, hvar með brúarsmiðurinn nægjast mátti og fekk eigi annað til launa.

Á undan | Galdramenn | Á eftir

Gagnasmiðja Kennaraháskóla Íslands
1998