Hvarfshóll
Úr þjóðsögum Jóns Árnasonar

Hvarfshóll er hóll einn kallaður nokkuð langt fyrir innan bæinn á Hjarðarhaga á Jökuldal. Eitt sinn vóru þar tveir menn á ferð &emdash; var annar maðurinn forfaðir þeirra svokölluðu Eyjaselsbræðra í Hróarstungu &emdash; og er þeir komu að hólnum sjá þeir þar liggja ósköpin öll af útbreiddu skarti til þerris ásamt öðrum munum. Óættfærði maðurinn vildi við engu snerta, en hinn tók hníf og klút, segja sumir. Nóttina eftir dreymir hann konu úr Hvarfshólnum koma til sín spyrja hví hann hafi hnuplað frá sér fé sínu og ennfremur mælti hún: „Það legg ég á þig að þú sjálfur skalt hálfviti verða og ætíð einhver einn í ætt þinni allt í níunda lið.“ Síðan er enn einhver brjálaður í þeirri ætt.

Á undan | Landslag | Á eftir

Gagnasmiðja Kennaraháskóla Íslands
1997