Forsíða
MÁLSTOFUR:       
ENDURMENNTUN       
SKRÁNING Á RÁÐSTEFNUNA!

    Fyrirlesarar verða ýmist einn eða fleiri í málstofu sem tekur 50 mínútur. Hverri málstofu lýkur með umræðum því gestum gefst kostur á að koma með fyrirspurnir.

    23.02.1999           


    Jón Árni Rúnarsson skólastjóri Rafiðnaðarskólans og Guðmunda Kristinsdóttir kennslustjóri Rafiðnaðarskólanum.

    „Ertu kennari og viltu verða tölvukennari" / Kynning á náminu
    Nýmiðlun    .

    „Ertu kennari og viltu verða tölvukennari" er eina skipulagða námið í dag fyrir þá sem vilja sjá um tölvukennslu. Námið er að fyrirmynd erlendis frá og er markmið með náminu er að útskrifa fólk með sérþekkingu á tölvukennslu og þeim hugbúnaði. Einnig er ætlast til að tölvukennarinn geti hugsað um sína tölvukennslustofu eins og aðrir sérkennarar t.d. handavinnukennari, teiknikennarinn. Einnig verður námið Nýmiðlun kynnt. ( Margmiðlun og vefmiðlun ).



    Halldór Kristjánsson framkvæmdastjóri, Tölvu- og verkfræðiþjónustunnar hf.

    Símenntun - Einkarekstur eða opinber?

    Í erindi sínu fjallar Halldór um sérstöðu einkarekinna skóla á sístækkandi
    markaði fyrir sí- og endurmenntun og ræðir um mikilvægi þess að ekki sé gert
    upp á milli þeirra og opinberra skóla. Hann tekur einnig fyrir mikilvæg
    atriði við gerð námsáætlana fyrir einstaklinga og tekur dæmi um mismunandi
    þarfir fyrir tölvunámskeið eftir starfsstéttum.

     


    Svanhildur Jóhannesdóttir framkvæmdastjóri, Skýrslutæknifélag Íslands.

    Tök á tölvutækni.

    Einn aðalgrundvöllurinn fyrir notkun upplýsingatækni í skólastarfi er tölvukunnátta kennara. Sögur fara af því að eldmóður einstaklinga í kennarahópi sé drifkrafturinn fyrir fjölbreytni í notkun upplýsingatækni innan skólans og að grunnmenntun annarra kennara í notkun tölvu sé lítið sinnt.

    Skýrslutæknifélag Íslands er að hefja átak til að auka tölvulæsi landans. Verkefnið er staðlað og samevrópskt, stöðluð vottun á tölvulæsi. Brátt verður hægt að taka próf í sjö áföngum sem er staðlað um alla Evrópu. Fær fólk þar vottun á hæfni sína í algengustu forritum. Er próftökum í lokin afhent skírteini, tölvuökuskírteini, eða European Computer Driving Licence.

    Á vinnumarkaðinum hefur oft reynst erfitt að sanna tölvukunnáttu eða kunnáttuleysi. Hagur af þessu kerfi er því bæði hjá þeim sem hafa skírteinið í höndum og vinnuveitendum sem geta betur gert kröfur um tölvulæsi starfsmanna sinna.

     


    Halldór Leifsson kennari, Langholtsskóla.

    Könnun á tölvulæsi, -notkun og viðhorfum grunnskólakennara.

     Fjallað verður um niðurstöður könnunar á tölvulæsi, -notkun og viðhorfum grunnskólakennara.


    Jón Jónasson framkvæmdastjóri Símenntunarstofnunar KHÍ

    Ferð út í óvissuna?

    Upplýsingatæknin opnar nýja og áður óþekkta möguleika og gerir okkur
    kleift að miðla og skiptast á upplýsingum á annan hátt en fyrr hefur verið
    mögulegt. Í dag sjáum við aðeins grilla í það sem koma skal. Við erum lögð
    af stað út á óravíddir upplýsingahraðbrautarinnar - ferð út í óvissuna.
    Þetta er ögn líkt því að aka í ókunnu landi, nema hér fást engin vegakort,
    því vegurinn er lagður jafnóðum og við ökum hann - og oft af okkur sjálfum.
    Hvert stefnum við varðandi notkun upplýsingatækni í námi og kennslu?
    Hver á að ráða ferðinni?
    Kynntur verður námskeiðaflokkur fyrir grunn- og framhaldsskólakennara um
    notkun upplýsingatækni í námi og kennslu, sem verið er að skipuleggja af
    Símenntunarstofnun Kennaraháskóla Íslands.