Runólfur Ágústsson, aðstoðarrektor Samvinnuháskólans.

www.fjarnam.is, -fjarnámsvefur Samvinnuháskólans, forsendur, þróun, reynsla.

Háskólamenntun og fjarnám. Fjarkennsla/fjarnám? Þarfir viðskiptavina, nemenda og atvinnulífs. Atvinnulífið og símenntun. Þróun erlendis. Aðferðafræði og tæknilausnir, -takmarkandi þættir. Kennnslutækið fjarnam.is: Uppbygging og innihald fjarnámsvefs Samvinnuháskólans. Sýning vefsins. Reynslan til þessa, álit kennara og nemenda. Framtíðarsýn.

 

Karl Jeppesen deildarstjóri, Kennaraháskóla Íslands.

Fjarkennsla grunndeildar KHÍ, reynsla og framtíðarsýn.

Fjallað verður um tilurð fjarkennslu við KHÍ með tilkomu tölvusamskipta eftir 1993. Greint er frá kennsluháttum og þróun þeirra og sýnd dæmi um kennsluefni á tölvum. Einnig verður litið til framtíðarþróunar í fjarkennsluháttum.

 

Dr. Rögnvaldur Ólafsson dósent í eðlisfræði, Háskóla Íslands.

Háskólar um allt land.

Fjallað verður um fjarkennslu á háskólastigi og uppbyggingu fjarkennslunets
um landið, möguleika og markað fyrir fjarkennslu á háskólastigi hér á landi.
Lýst verður hugmyndum um háskólakennslu á landsbyggðinni og um
fræðslumiðstöðvar í héraði og hvernig mætti koma þeim í framkvæmd. Hvernig
landið gæti orðið eitt svæði hvað varðar kennslu á háskólastigi. Rætt verður
um þá reynslu sem fengist hefur af tilraunum Háskóla Íslands með
fjarkennslu. Að lokum verður stuttlega sagt frá samstarfi Háskóla Íslands,
Háskólans á Akureyri og Kennaraháskóla Íslands um fjarkennslu.

 

Kristín Jónsdóttir endurmenntunarstjóri, Endurmenntunardeild Háskóla Íslands.

Endurmenntun um allt land.

Endurmenntun hefur aukist mjög á undanförnum árum og nú sækja á hverju ári
um 12.000 nemendur námskeið Endurmenntunarstofnunar Háskólans. Hingað til
hefur kennsla nær eingöngu verið í Reykjavík. Hins vegar hefur verið mikil
eftirspurn eftir þessu námi utan af landi og fólk oft lagt á sig mikil
ferðalög til þess að sækja það til Reykjavíkur. Nú stefnir
Endurmenntunarstofnun Háskóla Íslands í samstarfi við fræðslumiðstöðvar í
héraði að því að bjóða endurmenntun í fjarkennslu um allt land.
Lýst verður hugmyndum um hvernig því samstarfi verður háttað og hver gæti
verið hlutur hvers og eins í því samstarfi. Einnig verður sagt frá þeim
tilraunum sem Endurmenntunarstofnun hefur gert með fjarkennslu og að hverju
er stefnt á næstu misserum.

 

Fjalar Sigurðarson, ráðgjafi hjá Hugviti hf.

Fjarnám með LearningSpace – ekki bara tækni heldur hugsun.

Lotus fyrirtækið hefur lagt mikinn tíma og fjármuni í rannsóknir á hönnun og skipulagi fjarnáms. Útkoman úr þeirri vinnu varð LearningSpace fjarnámsumhverfið. Með samvinnu við menntastofnanir og atvinnulífið varð LearningSpace til, heildstætt kerfi til fjarkennslu og fjarnáms sem tekur á öllum hliðum sem snúa að skólanum, kennaranum og nemendum. Aðgangur nemenda er að sjálfsögðu í gegnum vefinn en skóli og kennarar nota Lotus Notes búnað sem er einfaldur og auðlærður.

 

Sigrún Magnúsdóttir fjarkennari og Halldór Árnason fjarkennari, Háskólanum á Akureyri.

Skólastofa án veggja - notkun fjarfundabúnaðar við kennslu.

Fjallað verður um kennslu með fjarfundabúnaði, helstu kosti hennar og
galla. Upplýsingar verða veittar um þá fjarkennslu sem þegar fer fram með
þessum hætti á vegum Háskólans á Akureyri. Fjarfundabúnaðurinn sem notaður
hefur verið hérlendis að undanförnu verður kynntur fyrir þátttakendum og
þeim gefinn kostur á að sjá hann í notkun.
Gert er ráð fyrir tveimur framsöguerindum auk kynningar á
fjarkennslubúnaðinum frá Landssímanum.

 

Emil Björnsson framkvæmdastjóri, Fræðsluneti Austurlands.

Fræðslunet Austurlands – net háskólanáms og símenntunar.

Þann 30. október 1998 stofnuðu fimm háskólar, þrír framhaldsskólar á Austurlandi, sveitarfélög og aðilar vinnumarkaðarins Fræðslunet Austurlands. Markmið FNA er að bæta aðgengi íbúa fjórðungsins að háskólanámi og símenntun og styrkja með því jákvæða byggðaþróun.

Þetta hyggst FNA gera með því að hlutast til um að boðið verði upp á nám á háskólastigi á Austurlandi frá starfandi háskólum, m.a. með notkun nýjasta fjarskiptabúnaðar hverju sinni og stuðla að eflingu símenntunar og fullorðinsfræðslu á sem flestum sviðum.

Reynt verður að svara spurningunum: hvað var gert – og lýst þannig uppbyggingu FNA, og hvað er verið að gera – segja frá starfsemi FNA. Lagt er til að horft verði til framtíðar í pallborðsumræðum um fjarnám.

Eyjólfur Guðmundsson skólameistari, Framhaldsskóla Austur-Skaftafellssýslu.

Allir kennarar eru tölvukennarar.

Markmiðið er fyrst og fremst að gera nemendum fært að nýta sér nútíma tölvutækni sem verkfæri í námi sínu við skólann, við aðra skóla með fjarnámi og í áframhaldandi námi í framtíðinni. Stefnt er að því að fjarnámsaðferðir verði hluti af daglegu starfsumhverfi nemenda og kennara. Lykillinn að framkvæmd verkefnisins er menntun kennara. Því er kjörorðið „Allir kennarar eru tölvukennarar."

 

Anna Kristjánsdóttir prófessor, Kennaraháskóla Íslands.

Netnotkun leynir á sér.

Margir tengja netsamskipti við fjarnám en svo þarf ekki að vera. Sagt verður frá langri reynslu af að nýta netsamskipti í staðbundnu námi og bent á hvað vinnst við slíkt. Einnig er skoðað hvað getur glatast þegar staðbundið nám víkur alfarið fyrir fjarnámi og hvaða spurningar er brýnt að taka til umræðu við slíkar aðstæður.

 

Jóna Pálsdóttir deildarsérfræðingur, menntamálaráðuneyti.

Talað af fingrum fram.

TJA102, tjáning, hefur verið fjarkennd við Verkmenntaskólann á
Akureyri í fjórar annir. Á þeim tíma hefur áfanginn tekið breytingum í ljósi reynslu, í takt við tækniframfarir. Nemendur þjálfast í margháttuðum samskiptum með tölvuna sem millilið, einnig kynnast þeir siðareglum á netinu. Kennari og nemendur segja frá reynslu sinni af áfanganum. Þeir sem koma fram í málstofunni hafa unnið náið saman en aldrei hist og hafa talsverða reynslu af fjarnámi.

 

Sólveig Jakobsdóttir lektor í fjarkennslufræðum, Kennaraháskóla Íslands.

Nám á Neti – fjarkennsla á fundum? Stutt kynning og pallborðsumræður.

Fjarnám nýtur gífurlegrar athygli um þessar mundir hérlendis eins og víðast
annars staðar og fjarnámsframboð hefur aukist mjög mikið. Um
afar ólíka möguleika er að ræða og athyglisvert er t.d. að bera saman nám
þar sem Netið er fyrst og fremst nýtt, við nám þar sem mest er stuðst við
notkun myndfundabúnaðar. Kostir og gallar fylgja mismunandi útfærslum á
fjarnámi og -kennslu og í kynningu og umræðum verður leitast við að skoða
þá allítarlega. Fengnir verða sérfræðingar á sviði fjarkennslu, kennarar
og nemendur sem hafa reynslu af annarri hvorri útfærslunni eða báðum til að
ræða kosti og galla og segja frá reynslu sinni.

 

Ásrún Matthíasdóttir kennari, Mennntaskólanum í Kópavogi.

Að láta drauminn rætast í fjarnámi.

Kynnir MA nám í Open Univestiy í Bretlandi. Segir frá uppbyggingu
námsins, skipulagi og námsmati. Ræði um tæknina sem er notuð og sýni
námsgögn. Fjallar um kosti þess og galla að stunda fjarnám í öðru landi
á öðru tungumáli.

Þórunn Óskarsdóttir kennari, Fjölbrautarskólanum Ármúla.

Að láta drauminn rætast í fjarnámi.

Rætt verður um reynslu af fjarnámi í bóklegum og verklegum greinum við
Danska kennaraháskólann (DLH) 1996- og Kennaraháskóla Íslands (KÍ) 1998-.
Greint verður frá fjarkennslu í tölvufræðum sem komið var af stað fyrir
tveimur árum með góðra manna hjálp í kjölfar fjarnáms við DLH. Í framhaldi af því verður rætt um grundvallaratriði aðferðafræði fjarkennslu með tölvusamskiptum.

Með nýja námskrá í huga er varpað fram þeirri hugmynd að nú sé lag fyrir
skólayfirvöld og kennara að skapa gott fordæmi með því að nýta sér þá
ómetanlegu tækni sem býðst í formi fjarnáms í tölvufræðum með
tölvusamskiptum. Síðast en ekki síst verður fjallað um þá fjölmörgu
möguleika sem tölvan hefur upp á að bjóða í sambandi við þá einstaklinga sem neyðst hafa til að gefa frá sér nám og/eða starf vegna skertrar hreyfigetu af völdum slysa eða sjúkdóma.

Steinunn H. Hafstað kennari, Fjölbrautarskólanum Ármúla.

Að láta drauminn rætast í fjarnámi.

Ég ætla að ræða um reynsla mín af því að stunda fjarnám. Þar
hef ég frá ólíkri reynslu að segja þar sem annarsvegar var afar vel
skipulagt námskeið fyrir dönskukennara á Íslandi á vegum DLH (Danmarks
Lærerhøjskole). Endurmenntunarstofnun Kennaraháskólans var tengill,
þeirra hér auk Norræna kennsluráðgjafans hér á landi. Þetta námskeið var
beinlínis þjálfun í að skrifa á dönsku, málfræði og alskyns skriflegar
æfingar miðaðar við það þema sem var í gangi hverju sinni,
Hitt námskeiðið var á vegum NKI - skolen í Noregi. Þessi skóli hefur
sérhæft sig í fjarkennslu og var mælt með honum af endurmenntunarnefnd
Háskólans. Það námskeið sem ég sótti hét "Lærer i fjernundervisning".
Markmiðið var að gera nemendur hæfari til að stunda fjarkennslu.
Að auki hef ég verið á stuttu fjarnámskeiði innan skóla míns um fjarnám.

 

Haukur Ágústsson kennslustjóri fjarkennslu og öldungadeildar, og Adam Óskarsson kennari, Verkmenntaskólanum á Akureyri.

Heimanám til stúdentsprófs.

Fjallað verður um þróunarstig fjarkennslu og stöðu fjarkennslu VMA í því
ferli. Rætt verður um framboð fjarkennslunnar, sem felur í sér allar
greinar til stúdentsprófs á þeim brautum, sem skólinn hefur á því stigi.
Fjallað verður um aðferðarfræði, kennsluefni, kennsluaðferðir og dæmi sýnd
um t.d. frsmsetningu kennsluefnis á vefnum og í öðru formi.
Rætt verður um framtíð og framtíðarsýn.