Kennslustofan - Laugardag
10-10.30 Tölvufræði í fjarkennslu
Nemar á fyrsta ári í Fjölbrautaskólanum við Ármúla
Hólmfríður J. Ólafsdóttir kennir
Hér er tölvufræði kennd í fjarkennslu. Nemendur sitja við tölvur í
Fjölbrautaskólanum við Ármúla og vinna verkefni í tölvufræði. Þeir hafa
vefbók til að styðjast við. Kennarinn er staddur í kennslustofu framtíðar í
Kópavogi og hefur samband við nemendur með tölvupósti og á spjallrás.
10-10.30
Norska og sænska í fjarkennslu
Grunnskólanemar hér og þar
Gry Ek Gunnarsson kennir
Gry kennir börnum norsku og sænsku með hjálp af vefráðstefnukerfi á
Íslenska menntanetinu og spjalli á spjallrás. Vefur vegna þessarar kennslu
er líka í smíðum. Byggt er á samvinnu Fræðslumiðstöðvar Reykjavíkur,
Íslenska menntanetsins og Norrænu tungumálaráðgjafarinnar.
11-11.30
Kynning í smíðum
Börn í 5. bekk Árbæjarskóla í Reykjavík
Ragnhildur Sigurðardóttir kennir
Börnin í Árbæ eru að útbúa kynningu um Elliðaárdalinn og ýmislegt sem lýtur
að honum. Kynningarsmiðjan í íslenskri útgáfu Námsgagnastofnunar gerir
börnum kleift að setja saman texta, myndir, hljóð og hreyfimyndir.
Hugbúnaðinn má nota í tengslum við munnleg skil nemenda á margvíslegu efni
eða til að útbúa sjálfvirka skjákynningu með tali og öðrum hljóðum.
12-12.30
Danskur vefur frá Jyllands Posten
Nemar í DAN 403 í Fjölbrautaskólanum við Ármúla
Michael Dal kennir
Blaðamenn frá Jyllands Posten hafa skipulagt samnorrænt verkefni fyrir árið
2000. Þeir ferðast um heiminn og skrifa greinar um ferðalagið. Greinarnar
og viðtöl eru sett á skólavef, JP-Explorer. Vefinn má nota í sögu- og
landfræðikennslu og í dönskukennslu eins og með þessum hópi. Slóðin er:
www.jp.dk
13-13.30
Unglingar í öðrum heimi
Unglingar í 8. til 10. bekk Árbæjarskóla í Reykjavík
Johanna Elizabeth van Schalkvyk kennir
Norræni enskukennsludiskurinn A-Files frá Námsgagnastofnun býður upp á
nokkra efnisflokka, mörg skemmtileg viðfangsefni og margmiðlunarleiki
ætlaða 12 til 16 ára nemendum. Efnisflokkar eru dæmigerðir fyrir
enskunámsefni en öll umgjörðin óvenjuleg og spennandi. Nemendur fá þjálfun
í hlustun og heyra mismunandi framburð. Þeir eiga samskipti á ensku við
einstaklinga af ýmsu tagi og þurfa að leysa fjölbreytt verkefni.
14-14.30
Sýndarrekstur á nýrri starfsnámsbraut
Nemar á hagnýtri verslunarbraut í Borgarholtsskóla
Óttar Ólafsson kennir
Æfingafyrirtæki eru ný leið til að kenna framhaldsskólanemum hvernig
fyrirtæki eru skipulögð og starfa. Þau eru rekin í alþjóðlegu neti um 2000
æfingafyrirtækja og umhverfi þeirra er mjög svipað og hjá raunverulegum
fyrirtækjum (þurfa að greiða skatta og gjöld, laun, flutningskostnað
o.s.frv.). Fyrirtækin eru deildaskipt (stjórn, sala, innkaup, fjármál) og
fá nemendur að vinna í hverri deild. Fyrirtækin starfa í lokuðum
sýndarheimi og til að spara fé, tíma og fyrirhöfn er lagt kapp á að þróa
notkun Internetsins til að miðla upplýsingum, eiga samskipti, markaðssetja
vörur og þjónustu og stunda viðskipti.
15-15.30
Heimildavinna og sérkennsla
Unglingar í Hjallaskóla í Kópavogi
Hulda Rafnars og Guðlaug Snorradóttir kenna
Hulda vinnur með unglingum að heimildavinnu í forritinu Ísland og
umheimurinn frá Námsgagnastofnun. Guðlaug stýrir sérkennslu við Hjallaskóla
og vinnur hér með þremur nemendum að lestri og ritun í Myndrún. Tölvutæknin
kemur að góðu gagni í sérkennslunni og frá því greinir Guðlaug nánar á
blaði sem er til dreifingar í stofunni.
16-16.30
List og leikni
Unglingar í Kópavogi
Kennarar við Kennaraháskóla Íslands kenna
Í tölvum geta börn og fullorðnir, sem ekki hafa náð þjálfaðri leikni í
handverki, gert lærdómsríkar athuganir og tilraunir í list- og verkgreinum.
Hallfríður Tryggvadóttir og Fríður Ólafsdóttir láta hér unglinga spreyta
sig á mynsturgerð fyrir textílmennt í tölvu. Gísli S. Þorsteinsson lætur
unglinga búa til líkön að smíðisgripum til útprentunar og samsetningar í
pappír. Torfi Hjartarson kynnir þjóðsagnavefinn Skrípi með myndum eftir
verðandi myndmenntakennara og felur unglingum að mála tröll.
25.02.1999
|
KENNSLUSTOFA
