Myndvinnsla og margmiðlun
Nemar á upplýsingatæknibraut við Fjölbrautaskólann við Ármúla
Páll Thayer kennir

Nemendur taka hreyfimyndir af ýmsu sem fram fer á stafræna tökuvél og fást við myndklippingar og myndvinnslu í öflugri margmiðlunartölvu. Tölvan stendur á gangi úti fyrir kennslustofu framtíðar. Vinnan er liður í námskeiði um myndklippingar.

Smásjá og tölva tengd sjónvarpsskjá
Sigurður B. Jóhannesson við Menntaskólann í Kópavogi

Sigurður sýnir hvernig hann notar sjónvarpsskjá í líffræðistofu (næst kennslustofu framtíðar) til að birta nemendum efni af geisladiskum og athuganir í smásjá.

Tölvutengd tæki í efnafræði
Kristján Kristjánsson við Menntaskólann í Kópavogi

Kristján sýnir ásamt nemendum tölvutengd tæki í efnafræðistofu (næst kennslustofu framtíðar).

Tölvutengd tæki í eðlisfræði
Rúnar Þorvaldson við Menntaskólann í Kópavogi

Rúnar verður ásamt nemendum sínum í eðlisfræðistofu (næst kaffisölu) með mikið úrval eðlisfræðitækja í tengslum við fimm tölvur.

Enska í heilbrigðisgeiranum
Fjölbrautaskólinn við Ármúla Michael Dal kynnir

Fjölbrautaskólinn við Ármúla hefur í samvinnu við Totnes Language School í Bretlandi og fyrirtækið Promentor í Finnlandi unnið að því að búa til kennsludisk fyrir ensku í heilbrigðisgreinum, English in Healthcare. Michael er með sýnishorn á geisladiski af því sem þegar hefur verið unnið og sýnir það kl. 13 á laugardag í líffræðistofu (næst kennslustofu framtíðar).

Málakennsla á nýjum nótum
Ágústa Bernharðsdóttir, Stefanía Arnórsdóttir, Valfríður Gísladóttir, Þórdís Magnúsdóttir og Þórhildur Oddsdóttir við Menntaskólann í Kópavogi

Kennarar í dönsku, þýsku og frönsku kynna not af upplýsingatækni í málakennslu; leit á netinu að upplýsingum sem tengjast námsefni, margmiðlunardiska þar sem nota þarf erlenda tungumálið við leiki og samvinnu við norræna skóla þar sem byggt er á tölvupóstsamskiptum og afrakstur birtur á vefsíðum. Sýninig á vegum kennaranna er í frönskustofu (næst eðlisfræðistofu) og þar er auglýst hvenær þeir eru í stofunni.

25.02.1999